بنات من خبرتكم في الحياة فيدوني

السلام عليكم ،، كييييييييف الحال ؟ ان شالله كلكم بصحة وعافية ..
بنات بدخل في الموضوع و بليز محتاجة ردودكم لاتبخلون علي فيها ..
بنات انا عندي صديقة يعني ماقدر اقول عنها انها صديقة امية بالامية لان احنا كنا قراب حيل بس مع الكوقت اكشتفت انها مو كفو صداقة يعني عندها سلوكيات جدا سيئة وحتى معاي ماتقدر الصداقة ، المهم البنت قريبتي عشان جذي انا كنت اضطر التقي فيها بين الاهل والاجتماعات العائلية ، يعني اكلمها بالمسنجر او بالمسجات بالجوال ...
لكن اللي صاير ان اهيه قبل كم يوم عزمتني على بيتها ، وانا لاني مابي احتك فيها اكثر اعتذرت منها باسلوب لبق ، قالت لي مو شمكلة تعالي يوم ثاني .. اليوم الثاني ( اللي قالت لي ازورها فيه ) دزت لي مسج ها بتجين ولا لا قتلها لا والله وايضا تعذرت لها ، بعدها دزت لي مسج كله سباب وقلة أدب وانا صراحة انفعلت بس مع هذا ما رديت عليها وقلتها شو مناسبة هالكلام انا شو سويت غلط ؟!! قالت لي لا بس ماله داعي هالنغزات وجيتي او ماجيتي مو مهم وكلام ثاني مو ذاكرته ..
انا الموقف هذا هالمرة اعتبرته حاسم في علاقتنا رحت مسحت رقمها وسويت لها بلوك من المسنجر وقطعت اي علاقة بيني وبينها ، وامس بليل قلت في نفسي حسبي الله ونعم الوكيل الله بياخذ حقي منها .
بنات انا مو ضعيفة وبهالمواقف ما اتردد واصلا كان في مساكل تسويها معاي هذي البنت قبل وكنت ارد عليها لكن مو بمثل اسلوبها طبعا ، بس هالمرة حسيت اني مابي ارد عليها او انزل نفسي حق مستواها ومع هذا حاسة بحرقة انها غلطت علي وانا مارديت احسها احتقرتني ..

ادري اني طولت عليكم بس قولو لي لو يغلط عليكم احد وانتو عارفين ان لسانه طويل وهو انسان بذئ وفاحش شنو تسوون؟ وهل موقفي كان صحيح ولا المفروض اني ارد عليها وألاسنها والله اني متضايقة للاخر وحاز بنفسي ان وحدة مثلها تتجرأ علي ..