بنات نفسيتي تعبت احس اني مخنوقه

استهدي بالله وادعي ان الله يفرج همك ادعي دعاء الهم وان شا لله يارب يكون حمل ترى بعض التحاليل المنزلية مو دقيقة

يارب يكون تاخرها حمل وتحليل البول مايبين الا بعد 10 ايام من تاخرها على ماسمعت
ونصيحه لوجه الله لاتتضايقين ابد ارفعي راسك وقوي شخصيتك ولايهمونك
انا اموت على الاطفال بس اسوي نفسي اني مااطيق الازعاج ولا الصجه ولا حتى اشيل اطفال احد او احبهم الا اذا جوني هم يسلمون بس انا مادور عليهم والله نفسيتي مو ناقصه نظرات الشفقه ولا خوف الناس على عيالهم مني بالعكس والله ماعطي الاطفال وجه ابد كله من اهلهم مابيهم يقولون هذي ميته على الاطفال وكل ماجابو طاري الحمال قلت الله يكتب اللي فيه الخير ياما حريم عندهم عيال ومو مرتاحين يامطلقات وبلشوا بعيالهم ولا جاهم عيال عاقين يالله صلاح النيه والذريه بس اعرف لك واحد قاتل ابوه وابوه يوم يجي هالولد مسوي عزيمه وحفله ماصارات دارت الدنيا وقتل ابوه الحمدلله رب العالمين مو كل شئ العيال وبس قوي قلبك ولا يهمك احد يالغاليه واكثري من الاستغفار وذكر الله خليه على لسانك دائما واشغلي نفسك بجوالك ولا بمكالمات صديقاتك اذا كنتي في مجتمع زي كذا او جيبي معك لاب توبك وطنشيهم اذا كلامهم يضايقك والله يوفقك ويسعدك ويارب تبشرينا عاجلا غير اجل

ياقلبي لاتحزنى ولاتنصدمى اذا ربي كاتب لك الرزق راح يجيك ...وكلام الناس مراح يقدم ولا ياخر

واحمد الله ان صبرتى لك الاجر والثواب من عند رب العالمين ...وهاذا ابتلاء من رب العالمين يمتحن صبرناااا .

ارضى ياختى بما كتبه الله لك والدكاترة سبب والرقية سبب والاستغفار سبب والمسبب هو الله عزوجل .

ادعيه واكثري من الصدقااات والاستغفار وتلاوة كتاب الله ... خلى ثقتك بالله كبير ..وافرحي على الاجر

افرحي على الحسنات التى تجيكى من كلام النااااس اذا المؤمن اصابته شوكة برجله فله صدقة

فمابالك بالهم ان الفرج مع الكرب وان مع العسر يسرى..ياختى تذكري حديث الرسول صلى الله عليه وسلم

فانه تهوون مصيبتك .
قال رسول الله صلى الله عليه وسلم : ما أصاب أحداً قط هَمٌّ ولا حُزن ، فقال : اللهم إني عبدك ابن عبدك ابن أمَتِك ، ناصيتي بِيَدِك ، ماضٍ فيّ حُكمك ، عَدْلٌ فيّ قضاؤك ، أسألك بكل اسم هو لك سميت به نفسك ، أو علمته أحداً من خلقك ، أو أنزلته في كتابك ، أو استأثرت به في علم الغيب عندك ؛ أن تجعل القرآن ربيع قلبي ، ونور صدري ، وجلاء حزني ، وذهاب همي ؛ إلا أذهب الله هَمّه وحزنه ، وأبدله مكانه فرجا . فقيل : يا رسول الله ألا نتعلمها ؟ فقال : بلى ، ينبغي لمن سمعها أن يتعلمها . رواه الإمام أحمد

اسال الله عزوجل بفضله وكرمه ان يرزقك الذرية الطيبة واخوتى المسلماااات انه سميع مجيب الدعاء

اه بس
وربي نفس مافيك فيني
لاتشكيلي ابكيلك
الله يعين ويرزق اللي جالسات اطول فتره مني شلون تحملو انا سنتين متزوجه وداخله بالثالثه بس بموت من النفسيه الزفت والناس اللي ماترحم اعوذبالله منهم
الله يرزق كل محرومه يارب
يارب يارب يارب لاتحرم خواتي اللي بمنتدى عالم حواء وبرا المنتدى من الذريه الصالحه المعافاه
ولاتحرمني انا يارب

خلو دايم الدوم ذكر اللهم لاتذرني فردا وانت خير الوارثين بالسانكم؟؟؟
وربي يرزق الجميع لما يحبه ويرضاه

اختي لاتهتمين في تصرفاتهم ولاتشيلين في خاطرك ، بالعكس تذكري ياما ناس عندهم إعيال بس مو مستانسين مع أزواجهم أو في حياتهم ، إنتي عيشي حياتك ولاتفتكرين في كلام الناس واي تصرف صار منهم انتي سكتي ولاتقولين شي بس قولي في قلبك الله يسامحهم ، صدقيني بتحسين براحة ، صلي قيام الليل واستغفري وتصدقي وتركي عنك المعاصي ، يمكن هالشي علشان نجرب من الله أكثر ، وإن شاء الله الله يرزقك في هالشهر بتوأم بارين تقيين ذكيين جميلين كاملين الخلق والاخلاق بدون زيادة ولا نقصان وحافظين القرآن ، اختي بقدر الإمكان شغلي نفسك بأشياء تحبينها او اشتركي في دورات تحفيظ القرآن ودورات المكياج والشعر او شغلي نفسك بدراسة والله هالاشيا راح يلهيك ، لان يا أختي النفسية تلعب دور وإن شاء الله الله يرزقك يارب