بنات هذي مشترياتي للبيبي هل ناقصني شي ولا خلاص

السلام عليكم
كيفك ياحوامل ان شاءالله بخير
بغيت اقول انا بكريه وحامل بالسابع وقلت وش وراي خليني اجهز اغراضي واغراض البيبي
لاني راح اكون مشغوله الاشهر الجايه عشان اشتري فستان لزواج اختي الله يوفقها:27:
والحمدالله جهزت اغراضي واغراض البيبي
بس ابي اشوف ناقصني شي وبلله لا تبخلون علي بخبراتكم...
المشكله ما اعرف انزل الصور الي تعرف الله يجزاها خير تعلم لي
لاني انا داخله من جوالي..
المهم اشتريت اغراض البيبي كلها من سنتربوينت

اخذت له شنطه مررره حلوه

ورضاعتين قزاز وحده صغيره للماء والثانيه اكبر منها للحليب
واخذت ثلاجه للماء وعلبه تقسيم الحليب و لهايه وليفه لتنظيف الرضاعه

واخذت لها ادوات النظافه من شابو وبودره وكريم وزيت من ماركه جونسن ومناديل معطره من جونسن
واخذت له فوطه واعواد الاذن وعطر

واخذت له بيت النونو او مدري ايش يسمونه الي يجي ع شكل ملف وعلى جنبه سحاب
واشتريت له3 ملفات بيض واربعه بربتوزات داخليه واربع بربتوزات خارجيه
واشتريت صدريتين وقفزات لليد وما اشتريت شرابات لان البربتوز جاي كامل مع شراباتها


اما اغراضي///
اشتريت روبين نفاس مره ناعم وحلو
طبعاً ماكثرت من الترواب لاني مااطيقها فراح البس بجايم واذا احد بياجي بروح البس الارواب
طبعاً بأذن الله راح انفس عند امي
المهم واشتريت شرابات وشبشب وسراويل طوال
واشتريت سراويل استخدام مره واحده و قطنه الي تنحط ع الصدر عشان الحليب

وباقي بشتري مشدين وسنتيانات من سيتي ماكس
وسرير صغير متنقل لنونو ومفرش لسرير
واغراض النفاس من عند العطار والسرير الكبير حق النونو بشتريه بعد 4شهور او 5شهور
وبس
ان شاءالله مايكون باقي علي شي؟؟!
وبغيتكم تدعون احضر زواج اختي لان الدكتوره تقول ولادتك ب7/12 وزواج اختي 7/23
وادعو لي انحف بعد النفاس لاني مره مع حملي سمنت:44:
وبسألكم كل هذي الاغراض كلها اخذها لما اروح اولد في المستشفى ولا نصها؟؟!
واسفه ع الاطاله انتضر ردودكم..