بنات والله مدري وش فيني ..........الله يعيني على الناس

انا الحين في السابع

وللحين ماجهزت شي ابد

لا حوايج ولا ملابس لي ولا للبيبي

ماااااعندي حماس ابد

واللي يخليني كذا لأن حامل بالبنت الخامسه وضاااايق صدري من الوضوع مرررره الله يهون علي وعليكم يارب

انا مو متضايقه ليش انها الخامسه لا والله بس اللي مضايقني حيل هو النااااااااااس وما أدراك مالناس

تخيلوا من الشهر الخامس وهم يسألوني كشفت ولا ماكشفت

وكل من شافني يشوفني وكأني مسكييينه وينظر لي بنظرة شفقه

وحده قبل كم يوم قالت لي يوووه الله يرزقك ...فلانه عندها 3 بنات وحامل الحين يعني انتي يالحنونة حامل تبين الولد

والله مدري وش أسوي والله طفشت من كلامهم وتلميحاتهم

كله جالسه افكر بزوجي لما يبشرونه بالبنت وهو يتمنى الولد ....هو ولله الحمد عااادي عنده ولا هو من النوع المتخلف الحمد لله بس...... والله راحمته ودي يفرح

ومدري الناس اللي بيكلموني وش بيقولون ووش نوع الكلام اللي بسمعه ولاوش الرد اللي برده عليهم ....كل هذا شاااايله همه

الله يسهل علي وعلى كل حامل

اعرف ان بربرتي كثيره بس والله حبيت افضفض واريح قلبي الله يريح قلوبكم