بنات وربي ابكي وخايفه ودي اعرف وش السالفه؟!

السلام عليكم ورحمة الله وبركاته

يابنات انا حامل في 6 أسابيع تقريبا او اقل شوي,,من يوم الاربعاء احس بمغص خفيف ونزل معي

دم خفيف 3 مرات مع الافرازات,,واليوم رحت المستشفى وكشفت الدكتوره تقول الكيس سميك ومو باين شي

وصارت تاخذ وتعطي مع الممرضه بالانجليزي لين طيحوا قلبي وبعدين بصموني على ورقه وقالوا روحي للأخصائي

رحت له وبعد عدة اسئله كشف علي وقال الرحم مو باين فيه شي وعندك دم متجمع على المبايض جهت اليسار

واحتمال كبير جدا يكون حمل خارج الرحم

لازم تتنومين وتكونين تحت الملاحظه واذا اتضح انه خارج الرحم لازم عمليه ونطلع الكيس

انصدمت جلست ابكي لين انفجر راسي هذا حملي الرابع بس اول مره تصير معي

اللحين من تقولي ايش اسوي كيف اتعامل مع نفسي في هالحاله

كيف حمل خارج الرحم وش بيسسوون لي وكيف عمليه ويطلعونه؟؟يعني فتح بطن ولا كيف؟؟

تكفووووووووون طمنوني انا بعيده عن اهلي وعيالي يدرسون وماني عارفه اشيل هم ايش

ولا ايش,,,,,,واذا لاقدر الله طلع خارج الرحم تنصحوني بالعمليه ولا فيه شي اشربه

او آكله ويطيح الكيس من نفسه بدون عمليات ودوخة راس,,,,

الله يسعدها ويحرم وجهها عن النار من تساعدني وتفيدني ولو بمعلومات بسيطه

اتمنى القى تجاوب من اللي حملوا خارج الرحم ويقولولي وش صار معهم بالضبط

ومن قالوا لها خارج الرحم وطلع كلامهم غلط وربي خااااااايفه موت طولت عليكم بس من حزني وخوفي

تعبانه جدا جدا من البكا بروح انام شوي وارجع واتمنى القى ردود منكم يالغاليات,,ارفعوا الموضوع تكفون للي ماتعرف