بنات وش رايكم ؟!

اهلين بنات.
بقولكم موضوع محتاره فيه انا واختي
اول شي بقولكم مميزات اخوي
عشان تكونون بالصوره بشكل واضح
اخوي عمره 28وسيم وطيب وراقي بتفكيره
يعني مو متفتح ع عماه ولا متشدد
وسط وفاهم الحياه ماشاءالله
رجال كفو بعمله وبمواقفه وبتعامله
سوا معنا ياخواته او اقاربه او الناس بشكل
عام.
الناس والله كلها تحبه اقصد مجتمعنا
ماعنده الهياط والحركات السامجه
هادي بطبعه يجلس معنا يسولف يضحك
مو كثير كلام يعني مو كلام ع الفاضي
يسولف بحدود النقاش او سوالف هاديه
وضحك بدون تجريح يكره التدخل بالناس
محترم جداً طيب جداً ماعمري سمعت
منه كلمه لو كان متضايق من شي
حتى ايام مرهقته وايام طفلته هذي شخصيته
حبوب لصغير والكبير.
الحمدلله متوظف وظيفه حلوه وراتب حلو
الحمدلله. ماشاءالله.
بتقولون ادخلي بالموضوع.
انا اعطيتكم كل شي عن شخصيته
لان الموضوع اللي بدخل فيه صعب💔
ناويه انا واختي نخطب له
وقلنا له وقلنا وش تفكيرك يعني البيت
اللي تتمناها كيف
او اذا في بالك عايله معينه قلنا لنا
مو رافض سالفة الزواج وقال عادي
انا اوثق بختياركم اكيد بتعجبني.
بس الصدمه 😭اكتشفنا انو يكلم
بنت 💔
اخوي طبعه هادي وطيب
اخاف عليه بشكل ماتتخيلونه برغم
انو اكبر مني.
بس اخاف عليه لانه يحسب الناس
كلها نيتها بيضاء
وهالشي سبب له احراج بالعمل
كثير ستأذنون وهو يغطي لهم بدون مقابل
وغير العمل اشياء كثيره
بتقولون تدافعين عن اخوك
ماادافع بس تعرفون برامج التواصل
وش كثر وصلوا فيهم البنات قلة الحياء
ومابي اخوي يوصل لمنزلق خطير
دامها مكالمات يمدي بإذن الله يتخلص منها
تدرون ليش كتبت لكم كل الاجابيات اللي
فيه
مادري البنت اللي بيتزوجها
اذا قلت لها عن شخصيته وعن كل
شي فيه
وانو بيعشيها مثل ماتبي لا معقد ولا متفتح بزياده
يعني مثل ماتبي
بس اخاف تنصدم انو يستمر على
المكالمات وبعده نصير غشينها


يابنات ماتتخليون وش كثر محتاره
اخوي ودي يتزوج
بس ماااااااابي اخدع بنت الناس
هي بتسأل عن تعامله معنا
وبقولها عن طيبته وكرمه معنا يااخواته
ومع بنات اخواتي ومع اقاربه قبل البعيد
بس هالنقطه كفيله بقلب حياتها.
ادري والله
بس ودي اخوي يتزوج ويستقر
ممكن يتغير تفكيره
ممكن الفراغ سوا فيه كذا
وخاصه هالزمن البنات برامج التواصل
فتنه وبلاوي
ماادافع عن اخوي بس مابي يستمر
بتقولين انصحوه.
سبق ان اخوي الكبير كلمه وكان حازم معه
وقال هو خلاص وكسر شريحته وغير
حساباته وكل شي
وجلس كذا سنه متعدل وضعه تماماً
بس من كم شهر اكتشفنا انو يكلم بنت ،


بنات انا محتاره انا واختي
نتمنى يتزوج بس خايفات نغش البنت
عشان كذا كتبت لكم كل شي عن شخصيته
من صغره.
بنات احتاج رايكم بصدق
بس تكفون بدون تجريح
ودعوا لاخوي بالهدايه