انتبهي حبيبتي الواضح من كلام صديقتك انها حاطه عيونها على زوجك مع احترامي لك ولها لكن ليش تقولك انتي ماتثقين فيني والله حبيبتي حنا بزمن الاخت وهي اخت ماتثقين فيها معليش اسمحيلي شكلك توك ماانتي ماخذه دروس من هاالحياه حبيبتي زوجك وتقولين عيونه زايغه اجل حبيبتي نصيحه ديري بالك بلا صداقه بلازمن اوفياء على حساب بيتك وزوجك ترى انتي الخسرانه بالنهايه لو شافها وشافته وتولعوا بعض صدقيني ماراح يكون وفي الاانتي انا صراحه مستغربه من كلمة صديقتك يوم تقول ماانتي واثقه فيني يعني البنت تبيه يشوفها استغفر الله اختي انتبهي لبيتك الله يسخر لك زوجك

ماادري الموضوع جدا غريب وكيف يشوفها هي مو متغطيه وبعدين وش هالتضحيه لصديقتك انا عن نفسي زوجي اولا من صديقتي مليوووووووووووووون مررررررررررره

لا والف لا
يختي حتى لو كانت صديقة عمر هذي الايام يا اختي الاخو يخون في اخوه اللي من امه وابوه فما بالك بصديقه انا ما اقول اقطعيها بس دام زوجك حاول يكلمها فمعناها ان له غرض فيها وحتى لو انه زي ما تقولين بيتغير العين الزايغه زايغه ممكن تتحول للحلال ويكول بصون نفسي واتزوجها لا تقولين صديقة عمري مستحيل توافق يختي الاولين قالو مثل معروف (خاويني واخاويك واخذ رجلك واخليك )

بقولك سالفه وحده من معارفنا هم صديقات عمر ويدرسونى بمدرسه وحده وابزيدك من الشعر بيت جيران الجدار بالجدار والحرمه مطلقه وزوج صديقتها يوصلها مع زوجته بحكم ان الطريق واحد المهم مع العلم ان المراه محترمه ومحتشمه وعباة راس وقفاز وغطا الاخ انفتن فيها وراح خطبها ووافقت بس شرطت يطلق صديقتها لانها ما تنزل على ضره والحين انعكس الموضوع المطلقه تزوجت والمتزوجه تطلقت بس التشابه ان الزوج واحد
فانتبهي لنفك وخلي نفسك وبيتك وزوجك اولا وبعدين تجي الامور الخرا
وابذكر شغله قالتها وحده من الخوات في رد عجبتني كلمتها
( لاتحطين النار جنب البنزين وتقولين لاتشبون )
وموفقه يا اختيي

اختي من اكبر الاغلاط اللي ارتكبتيها

انك تحكي لزوجك عنها وعن ظروفها وعن مشاكلها

لانه الرجال تقوم عندهم النخوة ويعمل فيها انه هو الشهم المنقذ

ويحاول يتودد لها ويوصل لها

ويذبحه الفضول

وحتى لو كانت نتيه سليمة في البداية راح تنقلب وتتحول الى شي جدي

وصاحبتك مهما كانت حريصة لكن الشيطان له اساليبه عشان تضعف

خصوصا انها في لحظة فراغ عاطفي يعني ممكن تستسلم بسهولة لمحاولاته


اهم صفة في الرجال الأمانة وربنا مدح الرجل الأمين في القرآن

قال تعالى

{ إن خير من استأجرت القوي الأمين }

أمين على مشاعرك وعلى اسرارك وعلى رحمك ومالك وكل شي



ادعي الله انه يآآمن زوجك فتنة النساء

ويرزقه الأمانة اللي تقر عينك


ويرزق صديقتك الزوج الصالح اللي يخاف الله فيها ويصونها ويعفها

اختي زوجيها فيه مواقع زواج ع النت اكتبي مواصفاتها ورح تلقين الخطاب بالهبل
قبل تلقينها بحضن زوجك اما على راسك او مسياار ليش لا ممكن ..
ولاتنسين الرسول صلى الله عليه وسلم نهى عن وصف المرأة المرأة لزوجها لأنها تزينها في عيونه ..

شوفي هالرابط وحدة من بنات حواء هنا كتبت مشكلتها ماهي صديقتها بس اخت وبنت عم بعد يعني من لحمها ودمها شوفي وش اخر الصداقه ..

http://forum.hawaaworld.com/showthread.php?t=967333