بنات .. يا بنات يا دبدوبات .. يا حلوات يارشيقات المستقبل

اولا السلام عليكم

ثانيا يا حلوات يا رشيقات المستقبل ان شاء الله ابغي اقول لكم عن تجاربي الناجحه والفاشله في نفس الوقت
انا ياما يااااااااااااااااااما سويت رجيم .. واغلب رجيماتي كانت رجيم البروتين مره سويت رجيم البروتين من عندي وامتنعت عن اكل النشويات بكل انواعه .. ونقصت 12 كيلو

وقبل فتره سويت رجيم من مركز نيوترشن اربع شهور نقصت من 82 الى 67 ورجعتهم في اربع شهور طبعا .

بس اللي ابغي اقولكم عنه .. ان اللي كان يخفف من محيط البطن هو الامتناع التام عن الرز ..

هالشي لاحظته بعد ما رجعت الوزن .. رديت وامتنعت عن الرز سبحان الله يعني من ثالث يوم واتعرفين بالنظر حتى ..
بس مو تمتنعين عن الرز وادحين في الخبز ..

اساس البلى الرز .. وفي نفس الوقت هو مهم لاحتواءه على الفيتامينات ..

ليـــــــــــــــــــــش ..
لاني لما سويت رجيم مركز نيوترشن استويت قرعه بما للكلمه من معنى .. اصلا انا شعري خفيف .. فالرجيم هذا قرعني عدل .. واستويت حلوه من تحت وقرعه من فوق .. وقريت ان للرز نوع من الفيتامينات مفيده لنمو الشعر

المهم يا بنات ... بعد ما مليت من الرجيمات .. ارد واقول .. خففي الاكل وكلي اللي تبين بطريقة منظمه وكلي رز او مجبوس او برياني مره بالاسبوع والرياضه المشي ..

اتذكر اني سجلت قبل 11 سنه في نادي للرياضه .. وعطوني عصايه طويله حطيتها وراي بالعرض ولفيت ذراعي حوالين العصايه وثبت ريلي وقعدت الف خصري مره يمين ومره يسار وهذا كان قبل لا يخترعون القرص الدوار على ما اعتقد .

المهم يا بنات مو لازم تشترون القرص الدوار علشان يستوي لكم خصر ..
وبعد يوم تبين تمشين على السير افتحي قران جدامج النص ساعه بتختمين جزء ..
واذا ذكرتي الله واستغفرتيه في كل 5 دقايق 100 مره
يعني بالنص ساعه 600 مره

ادعولي يا بنات اذا استفدتوا من تجربتي .