اسعد الله لياليكم وايامكم بالخير والسعاده
موضوعي بصراحه اليوم من عضوه جزاها الله خير نزلت موضوع تستفسر ودفعني اكتب الموضوع لكم
واعتذر للعضوه لكن والله الموضوع يستحق اننا نتكلم فيه
نصيحتي لكل ام عندها بنت قبل ماتقومين بواجباتك كأم تعلمي كيف تكونين صديقه لبنتك
تعرفين وش معنى صديقه؟؟
يعني وقت ماتضيع تلجأ لك انتي!!
وقت ماتضيق فيها الدنيا ترتمي بين احضانك انتي!!
وقت ماتحتاج مشوره تستشيرك انتي!!
وقت ماودها تفهم امور الدنيا تاخذها من منبع صدقك وحرصك انتي يالأم!!
لاتحطين بينك وبينها قيود وتقفيل من خلالها يضيع المفتاح من يدها وتروح تدور مفاتيح غيرك
وياكثرها المفاتيح اللي راح تحتضنها وتكون لها الامان والجواب وكل شيء
طيب وش هالمفتاح اللي بنتك راح تملكه؟؟
ضامنه انه راح يعطيها غرفه نظيفه واثاث يليق بتفكيرها وعمرها
ضامنه راح ينهل عليها بمناهل الصدق والصفاء والخوف عليها
طبعاً لأ!!
واقولها لك العالم الخارجي صار مايساعد انك تأمنه وانت كبير وشلون لاكان عمر متزعزع
طفله ودها تتعلم امور الحياه تسأل عن فطرتها يعني لابد انها تلاقي جواب يناسب فطرتها
جواب علمي جواب مايحتاج تروح تسأل وتبحث خلاص النقاط فوق الحروف..
لكن لما يجي غيرك ويعطيك معلومه مدري من اي ارض ماخذها
والثاني شيء غير الاول مغايره
الثالث الرابع ........ اصبحت المعلومه مشتته تحتاج الى احد يجمعها من شتاتها ..
من زود حرصي على بناتكم ومن خلال معرفتي بحالهم وواقعهم
حبيت اوضح لك انتي يالام لانه يعتريك جهل بالعالم يعتريك قلة خبره يعتريك اشياء واجده
مؤثره فيك التربيه المنغلقه الحياء الزايد اللي بين الأم والبنت
هذا الشي مشي معاك ومع الجميع لكن تأكدي بوقتنا ذا ابد مايمشي ...
لما تجي البنت تسأل امها عن انوثتها وعن العلاقه الجنسيه بنظرك عيب ؟؟
مناهجنا من المتوسط تتدرج في اعطاء الطالب معلومات عن للتكاثر الجنسي الى ان تصرح كيف يحصل هذا التكاثر
يعني لا حرج ولا عيب في اننا نعلم فتياتنا
بحدود الادب ومايخدش للحياء..
لانه بكره بتزوج وبتصير أم
بصراحه شعرت بأسى وحزن لما جات تسال الغاليه عن موقفها مع بنتها
انها قامت بكل حنان الام وخوفها على بنتها وشرحت لها الموضوع بطريقة قلب الأم يالغوالي
مو بطريقة الأعلام الهابط ولا بطريقة المسلسلات والروايات الساقطه
ولابطريقة المجتمع المتخلف واعتذر بس هذا واقع لازم نعترف فيه عشان نعدله
((وكان الرد غلطانه ياويلك من الله فتحتي عيونها اجل روحي زوجيها ذنب عظيم سويتي
صدقيني بتتهشم صورتك بعينها كأم
ليش وش صورة الأم بنظرك ياللي قلتي هالكلمه))
بصراااااحه ردووود مخجله ومحزنه ومؤلمه !!
بظنها انها حريصه على بنتها وتربيتها وهي ماتدري باسلوب التقفيل هذا
للأسف جالسه تضيع بنتها..
جالسه تهدي بنتها بكل بساطه للعالم الخارجي والمجتمع يشكلها كيفما يشاء ويريد!!
نصيحتي لك أم ولكل مربيه ..
لا نصل لمرحلة الاستهتار بعقولنا ونضحك على انفسنا ونقول عمر بنتي صغير
وانه انا واخواتي وبنات جيراني وامهاتنا ماتعلمنا غير لما تزوجنا ..
لاحظي هذا انتي يالغاليه ..
سؤال واحد:
وقتك اللي تربيتي فيه يالغاليه نفس زمن بنات اليوم؟
طبعا لا يعني التربيه اللي تناسبك انتي ماتناسب بنات اليوم
(في بعض الامور وليس كلها عشان لاتجي وحده وتفهم غلط وتاكلوني بقشورها)
انتي وهي وانا تربينا في وقت الاعلام ماله دور..
النت ماله دور ..
التكنولوجيه محدوده مو في يدين الكل, ..
المجتمع تفكيره مبادئه غير اليوم ..
وش كانت محور المسلسلات اللي تعرض في وقتك ؟؟
وش الافلام الكرتونيه اللي نشوفها ونفرح فيها ونمثلها ؟؟
اسألك بالله أعلام وقتك اللي عشتيه في طفولتك ومراهقتك زي أعلامنا اليوم؟؟
انتي عشتي في زمن كان التفكير بريء العالم كله بريء
عمرك بوقتك سمعتي شخص اغتصب بنت
سمعتي بنت معجبه ببنت
سمعتي بظواهر الحب اللي صرنا نعيشها
المجتمع اللي حولنا كان نظيف مافيه مجال يخلي تفكيرك يتغير ويحور لشيء مانحمد عقباه
وتروحي تسالي وتعرفي ومدري وشو لانه مو ملقين للموضوع بال براءه
مشاعرنا احاسيسنا مغلقه اكبر همومنا اننا نتجمع ونلعب بالشارع ونرمي ذا بالخجر ونسوى بيت طين
بالاصح عقولنا كانت صغيره وترضى باي فكره تنقال لنا وما نستفسر ونقول ليش وماليش
لانه مافيه مقومات بالمجتمع تثير تفكيرنا ومشاعرنا عشان نبحث ونسأل...
((زماننا اليوم تغير يالغاليه))
زماننا جالس يفجر مشاعر بناتنا بطريقه غلط ليش
لانه ماسمحنا لأنفسنا نكسر التغليق اللي مو في محله والخجل ونعلم بناتنا
بنظري الفتاة متى مابلغت بحاجه انك بالتدريج تعلمينها
الكل يعلم ويتفلسف ويربي مو بس انتي ياالأم
التلفزيون يعلم ويربي ويأصل مباديْ للأسف اكثر من انك انتي تأصلينها في طفلتك
النت يعلم ويعتبر معلم ناجح وقدوه كل شيء صح سواء قابل للصواب او الخطأ
اذا كان احنا كبار ونصدق كل شيء بالنت فمابالك باعمار مراهقين,,
المجتمع يعلم المجلات الرويات بابخس الاثمان كلها تعلم
وكلها في متناول فلذات اكبادنا
تدرين وش يعلمهم ؟؟
يعلمهم شيء واحد تفجير مشاعرهم وتصير نااااار تحرقها في اي شي
تعلمهم فقط تهييج شهواتهم
غيرت مفاهيم الحب والمشاعر والعلاقات الزوجيه
بأفكار خاطئه..
ومانسعى اننا نصلحها ونحافظ على ابنائنا عليها ونحميهم من تدميرهم الخفي لفلذات اكبادنا..
عادي البنت تتفرج قدامي مسلسل تركي
عادي تتفرج قدامي مسلسل هذا يحب فلانه وهذا يخون فلانه..
عادي تتفرج قدامي اشياء تهدم أخلاقها وتوجيه مشاعرها السليمه ...
عادي ان الإعلام يعلمها تتجرد عن امها واختها
ويصورها لهم انهم ناس ضدك وتروح تدور للعالم الخارجي
والأعلام دا كله كذب وخداع وتفجير لشهوات بناتنا وابنائنا..
((واحنا ياغافلين لكم الله))
بنظرك هذا الشيء كله ماله دخل بالعلاقه الجنسيه وماله دخل انه يعلم بنتك ؟؟
هما ناس ذكيه تشتغل بالاحساس
بس معطله العقل عشان كذا صاروا بناتنا متصورين الجنس بطريقه غلط
اذا انتي منغلقه ماعندك قنوات هابطه وستلايت متجمع فيه كل قنوات الفساد ..
المجتمع اللي حولك يالغاليه يتكلم عن كل صغيره وكبيره ويصورها بتفكيره هو ..
اضربلك مثال حي من واقعي!!
ماعندنا غير المجد والفلك والله يوميا أختي تجيب اخبار المسلسلات التركيه وغيرها الهابطه بالتفصيل
من البنات في المدرسه
عارفه اسماء الممثلين وش صار وكل شيء
متخيله الوضع غاليتي
يعني انتي تخبين عن بنتك وتقفلين الحوار امامها ترى العالم معطيها المجال...
اصلا تفكير بناتنا في المدارس تغير 180 درجه
تفكير وربي يخليك تنفجعين منه
زمان اول كانت البراءه سايده وياحلات قلوبنا وصراحتها وصدقها ,,,
فلاتجين يالغاليه ترفضين وجود الام الوعيه
الحريصه انها تعلم بنتها وتعلمها الطريق السليم بفكرها
الحريصه انها تصادق بنتها !!
الغلط اننا اعطينا مجال
للاعلام الهابط يعلم بناتنا ..
سمحنا للنت يعلم ..
سمحنا للمجتمع يعلم ..
سامحه لبنتك توصل لمرحله تروح تسأل غيرك مو معطيتها مجال تسألك؟؟
انت ضامنه وش المضمون اللي بيوصلوه لبنتك ضامنه بصحة الكلام والفكر اللي يوصلها..
واللي يعتريها بداخلها انه غلط انك تعلمين بنتك وتفهميها ..
بسألها سؤال واحد انتي سامحه للدش وللمسلسلات تقام في بيتك؟؟
ان كان جوابك نعــــــــم
فانتي الان جالسه تعلمين بنتك اللي نصحتي هالام الواعيه
انها غلطت وانها علمتها في غير وقتها
وانه ماكان تعلمها من الاساس
تخليها على المعلومات اللي تجيها من العالم الخارجي
انتي الان تعلمين بنتك بطريقة التغفيل ..
وجالسه تعلمينها للأسف الشديد المعلومه
من افواه ماهي حريصه على بنتك
ماهي حريصه انها توصلها المعلومه الصحيحه ..
ولانكذب على انفسنا ..
الان البنت راااااابع ابتدائي تكون عارفه كل صغيره وكبيره مو رابع
ولدك والا بنتك اللي خمس سنين تفهم اللي بينك وبين ابوها
عيال اليوم ماشاء الله من يوم يولدون ماتقدرين تضحكين عليهم
بصراحه عكس اطفال اول ..
وروحي اسأل امك واسألي اللي ربو قبلك وش يقولون
معناته يالغاليه لكل زمان وعصر ووقت وبيئه تربيه تناسبه..
وانا اطالب كل ام تصادق بنتها وتعلمها بنفسها
لان الام اكيد راح تعلمها الشي اللي يناسبها ..
مو الشي اللي راح يفجر احاسيسها ويغير تفكيرها زي ماانتو متصورين
لان العالم راح يسبقك ويعلم بنتك فلا تعطينهم مجال غاليتي..
وهذا الغلط اللي مخلي بناتنا طايحين في العلاقات المحرمه
ومطيح بناتنا في تصوراتهم عن الحياه بطريقه خاطئه ..
لانهم يتعلموا من عالم خارجي
لكن نجي احنا نعلمهم ونصادق بناتنا ونحتويهم
لا غلط وكاننا سوينا مصيبه
والمصيبه الاكبر انك مخليه بنتك تحتاج للعالم الخارجي
بناتنا يعانون من عدم توازن في معرفتهم للحياه وللمشاعر وللاحساسيس
بسبب التقفيل والتفكير المنغلق اللي عشناه
بسبب خطأ المعلومات اللي توصلهم
نتجت لنا كل المساويء اللي نعاني منها..
وانا اطالب كل ام خليك قريبه من بنتك صادقيها
علميها خليك صندوق اسرارها خليها تلجأ لك انتي مو لغيرك
خليها تحس بالامان خلي حضنك هو سرها وهو كل شيء في حياتها
ترى مو كل البنات بتجي بتسأل امها
في حاله وحده اذا كانت الأم مصادقتها وفيه نوع من الميانه بينهم فراح تسألها وتستفسر منها
بعض البنات ..
عييييييب وتغليق ومدري كيف واسكتي وهجوم ماله داعي وكبت
فما راح تفكر بالحلم انها تسأل أمها بدور غيرها ..
بالله ماتنقهرين ان بنتك تركتك انتي يالأم وراحت تسأل غيرك..
لدرجة وصلت البنت موعارفه ولاشيء عن دورتها الشهريه
ليش
تقولك ماأقدر اسال امي صعبه مررره طيب تسأل مين بنظرك؟؟
ترى احساس البنت من ناحيتك بعدم الامان يعكس عليها
الام بأسلوبها هي اللي تجرد بنتها منها..
تخلي بنتها تخاف منها وتدور تسال غيرها
ومن حقها تسال لان حديث البنات صاير هالايام,,
تتخبط هذي معلومه صح وهذي معلومه غلط
غيرها بنظرك وش بيعلمها ؟؟
ماراح يعلمها غير الحضنه والاعجاب والحب شيء يفجر شهوتها وبس
لكن انتي راح تعلمينها الصح الشيء السليم
اللي يرضيها ومايخليها تدور ويأثر فيها الغير ,,
فاتمنى ياامهات اننا نحاول نواكب عصرنا بتربيتنا لبناتنا واولادنا
تربيتنا احنا صدقيني ناسبت الوقت والمجتمع لكن لو اتبعناها ماراح تناسب وقتنا اللي عايشين فيه
واعتذر على الاطاله والتدخل والله من زود حرصي على بناتكم وحتى لاتزيد مساحات البعد بينك وبين ابنتك
معلمة أحياء @maalm_ahyaaa
عضوة فعالة
يلزم عليك تسجيل الدخول أولًا لكتابة تعليق.
همووسهA
•
الله يعطيك الف عااافيه
غلا جدي
•
كلامك صح بس من وجهه نظري لازم برضو فيه حدود ماتتعداها الام بهالموضوع
اعرف وحده تعلم بناتها كل شي
وبصراحه انتقدهم اذا جلست معهم يعرفوون امور الحمل والاولاده كلها بالتفصيل ويسلفون كانههم مجربات
مهما كان للبنت حياء وحدود صح والا
اعرف وحده تعلم بناتها كل شي
وبصراحه انتقدهم اذا جلست معهم يعرفوون امور الحمل والاولاده كلها بالتفصيل ويسلفون كانههم مجربات
مهما كان للبنت حياء وحدود صح والا
كلامك روعه وفعلا المفروض الام تكون صديقه بنتهاااكلامك روعه وفعلا المفروض الام تكون صديقه بنتهااا
الصفحة الأخيرة