بنتي بتجيب لي المرض .. أو بتموتني ..

السلام عليكم ورحمة الله وبركاته
بخش في الموضوع بدون مقدمات .. انا عندي بنت وطبعا هي بكري الحين عمرها 4شهور و17 يوم يعني مابقى شي وتدخل الخامس بس من جبتها الله يشهد علي لا ليلي ليل ولا نهاري نهار بس تصيح وبس تبي اشيلها وما انزلها من يدي ماتعرف الهدوء وطبعا ماتعرف شي اسمه لهايه من ثاني يوم من ولادتها وانا احاول فيها تمسك اللهايه بس مافي امل راسها يابس اشتريت لها بدال النوع اربع انواع قلت يمكن بس مافي امل ,, استسلمت وقلت الشكوى لله ,, النوم ماتنام الا الصبح واذا تكرمت ونامت بدري نامت اربع ونص واذا نامت كل شوي تقوم يا اسوي لها رضاعه او ارضعها صدري ,, ما اقدر اشتغل في البيت منها , لدرجة اني اشتغل وهي على يدي ومبسوطه اني شايلتها واذا نزلتها انواع الصياح كأنها مضروبه وأول ما اشيلها تسكت يعني مافي شي يعورها والا كان ما سكتت ,, وحتى البامبرز كل 3 ساعات اغير لها يعني صياحها دلع بس يخوف ما يخليني اشتغل واسوي اي شي حتى رضاعتها اسويها وهي على يدي ومره انكسرت رضاعتها عجزت اصلح لها وهي على يدي ومره كنت في المطبخ اشتغل وهي كانت تصيح وقلت بكيفها بخليها وشوي الا يزيد الصياح وطلعت اركض وانشبت يدي بغت تنكسر من جد تعبت وهذا غيض من فيض.
ام زوجي مبسوطه فيها لا نها بنت بكرها وخذتها مرتين تنام عندها وغقبها ما عاد طلبتها تنام عندها قلت ماتبينها قالت اذا هي على هالحاه انا والله ما اقدر عليها وخصوصا انها مدرسه ,, تقول بصراحه ابنام وبنتك ماتنام ..
وش الحل معها يقول كل ماكبرت شوي بتعقل هي تستجن ماتعقل مدلعه نفسها بنفسها ..
يارب اهديها واصلح حالها والطف فيني يارب ..
انا ابي حل .. تكفون ساعدوني كل شي بأجره بس ابي ارتاح شوي ..