بنتي تقرصني

سلام عليكم يا امهات

ساعدوني تكفوووون
انا عندي بنت عمرها سنه واربع شهور
اذا تبي شي والا تلعب معي حتى تمسك اي مكان من جسمي وتقرصني ولاتدور مكان فيه شوية لحم وينسمك وهاتك قرررص مثل فوق مفصل الكوع ساقي صدري
بس والله قررررص يعور لدرجة احيانا يمووور المكان ويصير موف من قوة القرصه مو احيانابس الا دايما
ولعلمكم ماقد قرصتها بس مادري من وين تعلمت القرص من لحالها يمكن من هي صغيره كانت ترضع مني وتقرص يدي لمن تقول امين واسكت عشان ترقد ابعد يدها وترجعها والله اني حنونه واحاول امسك نفسي عليها ولا اعصب ولاني من النوع اللي يضرب
ايش اسوي والله اني اعاني لدرجه صعبه حاولت معاها اقول حبوه واخليها تمسح بيدها تسويها مره وترجع تقرررص
وللعلم اظافيرها مقصووصه بس يعووور قرص كانه حق كبار تعبت والله
اللحين قرصتني وماقدرت استحمل ضربتها على يدها والله عصبت ماقدرت امسك نفسي الله يسامحني بس ضربه خفيفه

حلولكم ربي يخليكم وشكرا