بنتي جابتلي المرض

هلا فيكم اخواتي العزيزات
انا كتبت موضوع من فترة بعنوان اكره بنتي وكان العنوان بس فيض من غيض وليست الحقيقة الحقيقة اني احبها كأخوتها لكن ماتفعله من افعال يشيب لها الراس خلتني اقول هالكلام-انا موظفة ودوامي طويل من 7 ونص الصبح ل 4 ونص وارجع من الدوام طفشانه وهي بعد تزيدني كل يوم مشاكل مع الشغالة واخوانها --خلافترة الماضية حاولت بشتى وسائل التربية اتعامل مع هالبنت بس عجزت تكذب وانانية وتحقد على اخوانها وتعلي صوتها على اللي اكبر منها ودائما هواشه مع الشغالة تسبها وتضربها وعجزت اعلمها النظافة والترتيب بس والله كأني اتعامل مع طوفه اختها اصغر منها ب 4 سنوات افضل منها بالف مرة وبدون مااقولها سوي كذا من نفسها بسم الله عليها وهذي غرفتها دائما حوسة وملابسها ف كل بقعة ف الارض سريرها منفوش وغير منظم الاستحمام بالعافية وتسريح الشعر سالفة طويلة
والله تعبت واحيانا يرتفع ضغطي بسببها احيانا وايد استحمل بس يفيض بي واضربها ضرب مبرح واتكلم بصوت عالي واشتمها احيانا ومن افعالها هذي خلتني شبه اكره اتعامل معها
اخوانها تعاملها معاهم باقسى الوسائل وبكل حقد وانانية مع انها الكبيرة وعمرها 8 سنوات
ارجوكم ساعدوني ف حل هذي المشكلة قبل لا اجن وافقد صوابي عليها