بنتي ماتصلي..قصتي الحقيقيه

اخواتي الكريم

كثيرات يعنين من ثقل الصلاة على عيالهم

قومو صلوو..ولا يسمعون او يتهاونون


بقول لكم قصتي صارت لي انا

كانت بنتي بخامس ابتدائي..

وثقيله الصلاة عليها.. لدرجة اني يوم قلت لها قومي صلي وراقبتها

لقيتها حاست جلال الصلاة ورمته على الارض وجتني

قلت لها صليتي قالت ايه..صدقوني لاشعوري عطيتها كف

ادري انو غلط.. بس الموقف ضايقني وبكيت وخانقتها ولمتها وخوفتها من الله

ومانفع معها كل هالحكي



لكن بيوم... قالت لي وحده قصه.. منقوله ..وهي انها زارت قريبه لها مو ذاك الزود بالتدين

لكن يوم وجبت الصلاة قامو عيالها يصلون بدون ماتناديهم ولا تهاوشهم

تقول .. قلت لها : شلون عيالك يصلون من نفسهم بدون هواش وتذكير

قالت والله ماعندي شي اقوله لك الا اني من قبل اتزوج وانا ادعي الله بهذا الدعاء



انا بعد هالسالفه لزمت هذا الدعاء ..في سجودي وقبل التسليم وفي الوتر ..وفي كل اوقات الاجابه


والله يا اخواتي.. ان بنتي هذي الان بالثانوي.. من اول مابديت بالدعاء وهي الي تقومنا للصلاة وتذكرنا فيها

واخوانها كلهم ولله الحمد حريصين على الصلاة


حتى امي زارتني ونامت عندي ولفت انتباهها ان بنتي تصحى وتدور علينا تصحينا للصلاة



ادري

تبون تعرفون هالدعاء

في سورة ابراهيم

رب اجعلني مقيم الصلاة ومن ذريتي ربنا وتقبل دعاء

ادعو لي ان الله يديم الهدايه على عيالي كلهم