اسعدني بكلامك @asaadny_bklamk

عضوة فعالة

بنتي والحياء

السلام عليكم مادري اذا كان مكان هنا او لا بس انا نفسيتي تعبت جدا جدا من هالموضوع. بنتي عمرها 6 سنين ومازالت ماتستحي لما تدخل الحمام اعزكم الله تسيبه مفتوح وعادي تغير قدام اخوتها الي اصغر منها والله وانا في سنها ماكنت كذا وانا قدامها مستحيل نسوو شي خادش ماتقولوا صغيرة بالعكس بهالسن المفروض البنت تعرف وتبدا تخاف على نفسها مع العلم اننا حاليا بدولة أوروبية وهذا مازادني هم لأنهم اكرمكم الله زي الحيوانات في موضوع التعري ؛ مع أني اتبعت معاها جميع الأساليب من نصح وعقاب ودين لكن مانفع معاها 😔

يلزم عليك تسجيل الدخول أولًا لكتابة تعليق.

تسجيل دخول

بنت الذيب£ • 10 سنوات

الله يهديها

يعنني 2 • 10 سنوات

ماادري ليش ضحكتني هههه
لكن لسى بنتك صغيرة
يمديك تزرعين فيها الحيا,
انتي اذا شفتيها فصخت اشهقي وغطي عيونك
ونفس الشي مع اخوانها واخواتها
ودي اقلك شوفي صداقاتها وخليها تمشي مع عرب لانه هي الن مرحلة تأسيس
بس عاد البيت أهم

اسعدني بكلامك • 10 سنوات

اللهم آمين ، مشكورة رح أسوي هالحركة وان شاء الله تنجح معاها وللاسف مافي عرب بس ان شاء الله رح اركز في صداقاتها اكثر

نور عيني ليان • 10 سنوات

شوفي هذا الموضوع تعويد من الصغر يعني الام المفروض تعود اطفالها ماتغير لهم قدام احد ابدا وحتى لو سويتي كذا مع بنتك ومافاد فيها لما تغير قدام اخوانها خليهم هما الي يقولوا لها عيب ويطلعوا برا عنها لماتدخل الحمام اي احد يشوفها يقولها عيب ويقفل الباب وحسسوها ان افعالها هاذي غلط وتزعلوا منها ولا احد يكلمها طنشوها لانها ممكن تسوي هذا الشي بتلفت نظرك لها بالطريقة هاذي لكن استخدمي طريقة السكوت لاتكلميها ابدا بس قفلي باب الحمام وقولي لها عيب بصوت هادي ولاتكلميها الين هي ماتسالك عن السبب قولي لها واذا غيرت بعض حركاتها امدحيها وشجعيها واواعديها بهدية لو استمرات

جولنار11 • 10 سنوات

ولدي كدا عمره ٦ سنوات وما يهتم
بس بدأت انبهه وانه اصحابك حيضحكوا عليك ويقولوا زي الصغار ما يهتم
وانت دحين كبرت وكدا
واحيانا اخاصمه
ودايما احرص لما يروح الحمام او يخرج من الترويش اكون معاه عشان اقفل عليه الباب واحرص اخته ما تشوفه
واقوله انا عملت كدا عشان عيب اختك تشوفك

كدا شهرين وبعدها صار هو يهتم بنفسه
وان كان ما زال في النادر ما يهتم بنفسه