بنتي وسمنه

والله صعبه انك تحرمينها بس حاولي ماتعطينها في البيت شيبسات وشوكليت وعصيرات

وترى العصير يسمن حسب كلام الدكتوره ولاله فايده غير سعرات حراريه

اذا جاعت حطي قدامها صحن فيه فواكه ولاخيار مقطع وطماطم وجزر,,

ولاتعطينها مقالي اصلا مو زينه للعمر ذا ولاتعطينها متى مابغت تاكل اهم شي تخلين اكلها صحي

ولاتكثرين صحنها يعني عوري قلبك شوي لكن الطفل بالعمر ذا مو محتاج ياكل كثير لان معدته صغيره

واذا عودتيها انها تشبع مره شي طبيعي بتزيد شهييتها وتصير ماتشبع

ممكن تعطيني فكره عن نظامك بالاكل معها عشان اساعدك لان ولدي جاه وقت كان نفس حالة بنتك

وماشاءالله لاقوة الا بالله الله يحفظها ويحميها لك

مرحبا اخت نجديه الف شكر على الرد وبنسبه لبنتي نظامي كان معها من كانت صغيره كنت اهتم باكلها كثير مشالله وكنت اعطيها زبادي بعسل وكنت اعطيها كل يوم رضعه عصير طماطم وهالحين احاول فيها انها تخفف بس ماقدرت خصوصا انها تحب تخربط وتحب الكاكاو كثير والصامولي وشكل الشغاله تعطيها من وراي وهي جسمها مشالله حلو بس اخاف تسمن اكثر من كذا وانتي ايش سويتي اخت نجديه

شوفي انا ولدي الحمدلله ماعنده زياده بوزنه بس الدكتور نبهني انه ممكن يزيد وزنه

لانه اسمالله عليه يوم عمره بالشهور صحته زينه بس يوم بدا يمشي نحف كثييييير

وانا نظامي معاه احاول مااعطيه حلويات الا اذا كنت طالعه والمشروبات الغازيه ممنوعه ومضره

وشيبسات بس برى البيت ومااعطيه الا نوع خفيف

احاول اخلي عنده فواكه تفاح مقطع فراوله خيار جزر اصابع _زبادي_ الحليب 3 مرات باليوم

الخبز مايحبه ماياكله اذا غديته ولاعشيته مااكثر له اكل والحمدلله وزنه حلو الحين