بنتي وفيتامين دال...

السلام عليكم ورحمه الله وبركاته
انا قبل فتره نزلت موضوع نصحوكي ترضعي صناعي تفضلي وهذا الرابط للي حابه ترجعله
https://www.hawaaworld.com/showthread.php?t=446544...
المهم بعد موضوع الصناعي صار التركيز على وزن بنتي وتطورها ذهنيا وبدنيا وكل ما اجتمع مع احد من الاهل او المعارف لازم يعلقو على نحافت بنتي وبصراحه هي فعلا نحيييفه بسم الله عليها عمرها 7 شهور وشكلها بسبب وزنها كانها شهرين لكن انا كنت اقولهم عادي الرشاقه احلا لمن تكبر وتتزوج وتخلف تضل رشيييقه لاني لمن اسال دكتوره تخاف ربها اسالها عن الحليب الصناعي ماتنصحني ابد تقول نفخه الطبيعي افيد وتقول طالما البنت سليمه ذهنيا وجسمها يتحرك طبيعي بالنسبه لعمرها خلاص بنتك سليمه وماعليك من الوزن بنتك جيناتها كذا
وانا مقتنعه بكلامهم لان فعلا حتى اختها الاكبر منها كانت نحيفه حتى لمن شربت الصناعي مازاد وزنها كثيير لا بس امتلى جسمها شوي لكن بنتي الثانيه انحف منها لانها ولله الحمد ماتقبلت الصناعي ابد تتعب منه مرررره وانا رافضه الصناعي اصلا بس دخلته تقريبا 4 مرات لاسباب طارئه
وقبل حدود اسبوعين الاهل اصرو اودي بنتي لدكتور غدد خايفين يكون فيها حساسيه او عندها شي خطير لانه على مايقولو ماتشيل راسها مع انها تشيل راسها وتحرك جسمها طبيعي بسم الله عليها ولكن ارضاء للوالده الله يحفظها وعشان اثبت انها طبيعيه رحت للعلم وحده من خواتي عندها ولد عنده حساسيه من الحليب البقري الان خفت لكن لمن كان صغير كان حتى اذا امه شربت حليب وهو يرضع من امه كان يتحسس كانت حساسيته الله يكرمكم اسهاااال لدرجه انو حتى الاكل كان يخرج بدون هضم وكان يسهل اوقات 17 مره باليوم ونحفف ومن دكتور لثاني ماحد عرف العله الين راحت لدكتور حساسيه موعارفه اسمه شغال بسعد هي اصلا شغاله هناك وكانت من دكتور لدكتور وماحد عرف علته الا هالدكتور تبع الحساسيه والغت من اكلها الحليب البقري وصار اكل ابنها خالي تماما من اللبن والحليب وصار ياخذ كالسيوم وفيتامين دال كعلاج والان الحمدلله مافيه الا العافيه الله يحميه فهم خايفين على بنتي خاااصه من هالشي فوديتها لسعد عند دكتور الغدد اسمه القحطاني معروف بسعد باسم العيله المهم بعد مافحص وكانت بنتي تتقلب قدامه وتلعب مع اختها قال طبيعي بس جسمها رخو هي فعلا رخوووه وضرب على ركبتها بالمطرقه الطبيه وقال رده فعلها مبالغه وحولنا على دكتوره اعصاب وقال لازم رنين مغناطيسي وخوفني
وعشت ايام خايفه على بنتي الين يوم الموعد كشفت الدكتوره اسمها ابتسام مصريه شغاله بسعد مرررره حبوبه وقالت بنتك سلييييييمه وقلت لها كل شي قالو الدكتور قالت طبيعيه ماتحتاج الا فيتامين دال وبس قالت واااضح خاصه ان راسها لو تمسكيه مربع نوعا ما وقالت هذا من علامات نقص فيتامين دال وقلت لها عالوزن قالت جيناتها كذا ودكتوره بالوحده الصحيه قالت نفس الشي جيناتها طبعها كذا وقلت لدكتوره الاعصاب وزنها نازل ووصفت لها فيتامين وقلت لها انها ترجع من الصناعي وعندها حساسيه من الزبادي والحليب البقري تظهر ياعلى شكل طفح او اسهال بس مرتين او ترجيع قالت عندها حساسيه من الحليب البقري ويمكن تروح بعد ماتكمل السنه
والان انا مستمره عالفيتامينات وصرت احاول ازيد من كميه الاكل الخاص بيها وصارت حجتي اقوى انه بكلام الدكتوره بنتي سليمه ولله الحمد مهما كان وزنها قليل صحيح انه لو لاقدر الله مرضت حتنحف اكثر لكن المهم انها بدنيا وذهنيا سليييمه ولله الحمد
انا طرحت تجربتي هنا لاني لاحظت انه في امهات كثير بيعانو من موضوع نحافت اطفالهم خاصه لمن الناس يعلقو فلاتشيلو هم طالما ان اطفالكم سليمين ذهنيا وبدنيا تابعو اطفالكم وتطورهم بالنسبه لعمرهم واعطوهم فيتامين دال بالكميه المناسبه لوزنهم وعمرهم لان الزياده تسبب مشااكل والانقاص من هالفيتامين بيضر الطفل والله يحمي عيالنا من كل مرض وشر
واي استفسار انا حاضره