بنت اشغلتني اسمها أمل

بنات واجهة أشخاص أقوياء وكرهت كل قوي يهين ضعيف او مسكين وهذا مبدئي المهم لي أسبوعين بمدرسه جديده معلمه وشفت طالبه اسمها أمل بثاني متوسط ضحكتها بعيونها فيها إحراج المهم امل أمها سوريا وأبوها سعودي قبيلي واحنا بمدارس اهليه والبنت واضح عليها أنها ماديتها كويسه وأختها بالثانوية مدري ليه البنت دخلت قلبي المهم بعد كم *** بديت اسولف معها ولاحظة كل مقالت كلمه او قصه او أي شي البنات يكملون السالفة بطريقه محرجه فقلت خلني أنبه البنات احترام الآخرين وتكلمة بشكل عام بعدها قالت امل أستاذه انا كنت في منطقه بالشمال وكانوا الطالبات يضربونني ويضحكون علي وكانوا يضحكون علي بنت ثانيه سمره ويسمونها يا لعبده رغم أن البنت حافظه القران ومتدينه وكانت تقولها الله يسامحهم المهم تأثرت وزعلت

المهم البنت كل مالها وأحبها حب ام لابنتها لان أولادي أكبر منها أبيكم تفهمو نظرتي مؤ إعجاب وكلام فاضي حب فيه رحمه حب حنان عليها هي تشبه ولدي شوي وهي البنت ماهي حلوه أبدا كل شي فيها كبيرو أمها ما تلبسها مثل البنات علي الموضه يعني مثل أيام زمان والشي هذا زود البنات استهزاء فيها بس البنت شاطره ومؤدبه ومبدعه

رجعت البيت صورة البنت علي طول قدامي زاد حبها وتخيلوا بس أتذكر أن الناس اهانوهاابكي والله أحط الاكل زوجي وأبكي اشغلتني هالبنت مدري ليش أثرت فيني وحبيتها حب ماتتخيلوا صرت بس أروح المدرسة وأشوافها وإعطيها حنان ودي أكرمها ودي أخلي كل الي حولينها يحبونها ومايجراحوها

الي ابي اقولكم ليش البنت أثرت في هل لأني ما احب احد ينهان او وش القصه انا عاقله وام ونظرتي مثل ما قلت لكم ام لبنتها بس كل ماتذكرتها بكيت والله يابنات تدخل القلب او ربي سخرني لها عشان انصفها ودي اكشخها ودي اخليها تحس بقيمتها اتمني ربي ان أمها وابوها يكونوا رائعين يهتمون فيها يكفي بنات المدرسة والمجتمع الي اهم شي عنده المظهر