بنت الجيران

بنات المشكلة مشكلة بنت جيراني الكبيرة هي ماشي عمرها بالثلاثين ويشهد الله انها اخلاق ومعاملة واحترام ,واللي صار المسكينة عور قلبها ,ملكت على رجال والرجال اللي خذها اتفق زواجهم بيكون بعد عيد الأضحى , ولكن قدر الله ان الرجال اللي كان راح يكون زوجها توفى بحادث سيارة يعني صارت الخطبة قبل رمضان وتوفى خطيبها الله يرحمه .
والبنت صارت ماتتكلم ولا تنطق , جالسة بالغرفة وماسكة فستانها بيدها , وبالقوة امها تعطيها الأكل , وجارتنا ماتدري وش في بنتها خايفة على بنتها تضررت خصوصا من وصلها خبر وفاة زوجها , راحت

حطت مكياج على وجهها ولبست فستان خطوبتها اللي كانت راح تلبسه وركبت فوق سطح البيت شكلها الظاهر بتنتحر , وجارتنا كبيرة راحت ركض هي والخدامة يمسكوها لأنه شافوها عمال البيت اللي جنبهم يبنون وراحوا علموا الأم دقوا الجرس وقالوا لها ماما في عروسة فوق سطح , وقامت الأم والخدامة نزلوها وحطوها بغرفة وقفلوا عليها , والأم تبقى
تاخذها لطبيب نفسي , تتعالج لأنها ماتتكلم , واخوها رافض يقول فترة وتعدي والأم طلبت مني مشورتكم كيف تقنع أخوها ياخذ اخته لطبيب نفسي , مع العلم ابو البنت متوفي والبنت تو خطيبها متوفي وتقدم لها رجال كبير واخوها قال له نشوف الموضوع لأنها ما تزوجت الرجال اللي توفى فقط خطبة ما تم الزواج والأم ماتبقى تشوف بنتها تذبل وهي بحالة صمت غريب .