بسم الله والصلاة والسلام على رسول الله
احب اقولكم اني استعرت اليوزر حق بيلسان ( قريبتي ) عشان اقولكم مشكلتي واتمنى تساعدوني او تلقون لي حل
انا متزوجه من 5 سنوات وزوجي مزيون ماشاء الله عليه وفوق هذا وظيفته ممتازه ووضعه ممتاز ماشاء الله عليه وعندنا بنت وولد
السالفه ومافيها اننا دائما اذا طلعنا مشوار انا وزوجي لسوق او اي مكان الاحظ ان بعض البنات الله يهديهم يقزونه والبعض يحاولون يتقربون منه او يغازلونه الله ياخذهم هذا وانا معاه والله العالم وش يسوون اذا كان لحاله
المهم في مره من المرات اعترف لي انه اخطا بحقي لكنه يقول انه تندم وتاب يقول ان احد البنات وانا اعرفها وهي ساكنه في نفس الحي يقول انها تعرضت له وكان صدفه يقول كان طالع لبنده يجيب اغراض وشافته البنت وحاولت تتكلم معاه وهو مايعرفها لحد الان يقول لين طلع ولحقته ونادته وسلمت عليه كيف حالك شخبارك انا فلانه جيرانكم ( وهم ماهم جيرانا بس بنفس الحي ) وحبيت اسلم عليك لاني بصراحه اكثر من مره اشوفك واسمع عنك كل خير . وبس
يقول المره الثانيه شافته بالمستشفى وسلمت عليه وسولفت معاه شوي واخذت رقمه يقول بلحظة ضعف مني كل هالشي صار .. يقول ماطولت العلاقه اسبوع واحد كانت تكلمني بعدين يقول صرت ماارد عليها ...
هالسالفه قالها لي قبل شهر تقريبا ويقول ان السالفه صارت له قبل مايعترف لي باسبوعين
المهم انه انا تكدرت وصارت نفسيتي زفت من بعض هالبنات ومن هالبنت هذي بالذات لانها حلوه وصغيره 19والكل يتمناها شمعنى مالقت الا زوجي .. يعني تبي تخرب زوجي وتخرب بيتي كذا .. والبلا اني عرفت من بعض صديقاتي انها تمدح بزوجي عندهم دائما وانه نعم الرجال ليت كل الرجاجيل مثله حلو وطيب وووو ومابقى شي ماقالته والمصيبه انها ماقد جابت طاري لي اني زوجته ولاعبرتني وهذا دليل انها حاقده علي وناويه تخرب زوجي ..
انا ماني مرتاحه من هالبنت وحاسه انها ماراح تمشيها على خير ..
وانا ماادري وش اسوي .. اروح لها اهزءها اخاف تكون نست الموضوع واخاف ارجعها واخليها تصير ناويه صدق على التخريب ..
والمشكله ان اهلها محترمين وناس اكابر ابوها وامها واخوانها كلهم طيبين لكن هالاخلاق هذي والخراب ماادري من وين جاها ..
قولولي وش اسوي معاها عشان اصرفها عني وعن زوجي الله يخليكم
بيلسان .. @bylsan_15
عضوة فعالة
يلزم عليك تسجيل الدخول أولًا لكتابة تعليق.
الله يسخره لك ويجعلك أجمل النساء في عينه وأحب النساء إلى قلبه ويبعد عنه بنات الحرام ويكرهه فيهم ياارب العااالميـن
الصفحة الأخيرة
اهتمي بزوجك نسيه العالم وبس