بنت عمي ماخلت شي في دولابي الا ولبسته......ساعوني

انا مشكلتي في بنت عمي والله هي طيبه وعلاقتنا طيبه والحمدالله
بس من يوم ماملكت وهي تستلف ملابسي وتلبسها لزوجها وكنت اقول عادي مادام بس لزوجها لان
جياتو كثيره وهي ماتحب تكرر ملابسها
الحين لها خمس سنين متزوجه وما بطلت هذه العاده كل مايكون عندها مناسبه كبيره اوصغيره ترفع سماعه وتطلب لبس اوفستان وانا اعطيهاما اقول شي
صحيح هي تلبس لبسي عند اهل زوجها ومناسباتهم لانهم من عيله مختلفه بس صراحه هي زودتها
ماخلت شي عندي الا وطلبت تلبسو واحيانا يكون لبس اوفستان جديد مالبستو الا مره وتطلبو مني
والي قاهرني اكثر ان حالتها الماديه ممتازه وزوجها مايبخل عليها بس هي تستكثر تشتري لبس غالي
وانا والله اني اتكلف بملابسي صراحه مااستكثر على نفسي شي
ماادري ايش اسوي معاها احسها خلاص اعتمدت على لبسي في مناسباتها وما صارت تهتم تشتري
لنفسها شي لانها مريحه بالها لانها عارفه انو انا دايما اشتري ودولابي مفتوح لها
والله مليت احيانا تجيني مناسبه على فجاه وما القى ايش البس لانوملابسي عندها وهي تاخذ اكثرمن واحد وماترجعهم الا لو انا اتصلت فيها
ساعدوني كيف احسسها اني متضايقه من تصرفها بس بطريقه ما يكون فيها احراج ليها
وبدون ما يصير بيننا حساسية ارجوكم ساااااعدوني