بهدلوني ويبون يحرموني ضناي

السلام عليكم

خواتي انا قبل فتره كنت اتمنى اتزوج واستقر ويكون عندي عيال وبيت وكانت افكر ليه ماانخطبت ودايم اسمع ان في احد يسئل عني بس محد يجي ابد او يطق الباب لين انقردت وطق الباب واحد من المعارف وليته انشل قبل لا يتقدم
لان من يوم خذني ماقعدت عنده الا كم شهر وشردت بيت اهلي من اسلوبه معاي وبلاويه الزرقا الي شفتها....

وللاسف الشديد كنت حامل وخفت من الله اني انزل الي ببطني وتم يعذبت ويبهدلني لين ماولدت هو واهله لا اثبات ولا يحزنون عندي....

الان مابي اي شي غير ان الله يعوضني خير ويشغله هو واهله بانفسهم عني وعن ضناي بهدلوني كل شوي مسوين لي مشكله والله اني بكل صلاه ليل ادعي عليهم ان الله يشغلهم بانفسهم....ويعوضني خير...احس من القهر والظلم الي شفته منهم مااقدر اكتب اكثر ولو كتبت ماراح اوصف حجم القهر الي بقلبي بس اسئل الله الي ثقتي فيه كبيره وايماني فيه اكبر ان ياخذ حقي وينصرني عليهم ويحفظلي ضناي.....

انا استغرب هو وخواته واخوانه كيف لهم وجه يصلون ويقابلون الله او الناس وهم ظالمين كيف ينامون وهم يدرون ان في شخص يدعي عليهم بكل صلاه ...خواتي ابي رايكم شالحل مع هالعايله التعبانه الي يدرون ان عيالهم فيهم بلاوي ومع هذا يتسترون عليهم ويساعدونهم بالظلم..

اسئل الله ان يفرج همي وهم كل وحده منكم اللهم امين