الموضوع هذا لكل البنات اللي طلبو مني اوراسلوني يبغون
طريقة الخبزه والخوايض والعريكه والقرصان
اللي نزلتها بموضوعي
وهذ رابط الموضوعhttp://forum.hawaaworld.com/showthread.php?t=2686397
طبعا كنت بنزلها بالصور بس مافيه وقت وكنت ابغ انزلها بعد ماافضى بعد الحج
بس الاغلب محتاجين الطرق للعيد
فقلت انزلها بدون صور
بس شوفو الصوره اللي فوق فيها
الشكل النهائي
للخبزه والخوايض
والقرصان
والعريكه
اولا
الخبزه
المقادير
للخبزه الكبيره زي اللي بالصوره
5علب والعلبه علبة شربة الكويكر دقيق اسمر
و ا علبه دقيق ابيض
وينخل قبل العجن
قالبين من الزبده اللي سعرهاااااااااا 7 او 6 ريال
علبتين حليب السعوديه او صافيو السائل اللي يجي معه مصاص
ملعقه وربع خميره فوريه مذوبه في نصف كاس ماء دافئ
ملح ملعقتين كبيره
وتخلط المقادير مع بعض ماعدا الدقيق وتخلط جيدا
ثم نظيف الدقيق
ونعجن ويضاف الماء حسب الحاجه لتصبح عجينه متماسكه زي عجينة السمبوسه
وتترك بعد الانتهاء من العجن لمدة ربع ساعه
بعد كذه تكوريها وتحطيها بوسط الصينيه وتبدا
تضغطيها من الوسط وتفرديها بالصينيه
ويكون السمك من الوسط اقل من الجوانب
زينيها بالشوكه وبعدين رشي حبه سودا او سمسم
شغلي الفرن من تحت على حرارة 160 والخبزه تكون بالرف اللي تحت الاوسط
واذا كان الفرن عادي غطيها من فوق
واذ كان كهربائي صغير لاتغطينها
اول ماتشمي ريحتها راح تعرفي انها استوت يعني ريحتها تنتشر برا المطبخ
بعد كذه شيلي الغطا من فوقها و حمريها من فوق ولازم تكوني عندهااا وقت التحمير من فوق عشان ماتحترق
وبالعافيعه
وادعو لخالتي اخت ماما هاذي طريقتها هي مخترعتها ومشهوره فيها
مافيه احد ذاق هاذي الخبزه وماطلب طريقتها
ثانياا العريكه
طبعا طريقتها عندي مره مريحه
لاني جربت باقي الطرق متعبه قمت اخترعت هاذي الطريقه وفعلا كل من ذاقها عجبته
الطريقه جيبي دقيق اسمر حسب احتياج يعني انا تقريبا15 كاسه دقيق اسمر
واعجنها بمويه فقط وتكون العجينه رخوه مره يعني زي عجينة القرصان
يعني يوم تشيليها بيدك ماتسيل من يدك اتمنى فهمتوني
وبعدين جيبي تمر وشيلي النواه منه وحطيه مع العجين تقريا من 20 تمره الى 30 تمره او حسب مزاجك
وبعضهم مايحط تمر
المهم اخلطيها مع العجين زي ماهي حبات منزوعة النواه
بعدين جيبي اكياس اللحم وقسمي العجينه اربع اقسام وحطيها بالكيس بس زيدي الاكياس يعني دبلي الكيس خليه اثنين
واربطيه زين بعدين جيبي قدر كبير فيه مويه مغليه وحطيه على النار وحطي الاكياس فيه
وخليها تغلي وقلبي الاكياس بين فتره وفتره
وبعد ماتستوي العجينه ويبان من لونها وقساوتها لانها تبدا تتماسك وتقسى
وبعد الاستواء طلعي الكيس
ولفي يدك بمنشفه واجلسي اضغطي عل الكيس عشان يختلط العجين مع التمر
وكل ماخلصتي من كيس فكيه وحطيه بالقدر
الين تخلصين رتبيها بالقدر واضغطي عليها وسوي حفره من النص للسمن
وبالعافيه
ثالثااا
الخوايض
المقادير
جيبي دقيق ابيض مقدار
5 كاسات
بيضتين
حليب جاف ملعقتين
خميره كيك ملعقه كبيره
رشة ملح ورشة سكر
ومويه اعجنيها بالخفاقه او بالخلاط
والمويه معروفه كثافة الخوايض لانها نفس عجينة القطايف
يعني سائله بس ثخينه
اتركيها فقط خمس دقايق
ادهني الصاج بالزيت
واغرفي بالملعقه او باللي تبين وصبي بس شوي
تكون الدائره صغيره زي البيضه
يعني في كل مره سوي مجموعه بس لازم كل مره تمسحين الصاج بالزيت
بالمنديل يعني غرقي المنديل بالزيت وامسحي فيه
وخليها تحمر قليل واقلبيها على الجهة الثانيه
وبسرعه شيليها لاتحترق لان الخوايض ماتاخذ وقت على النار
بعدين حطيها بقدر او حافضه اول باول
بعدين سخني السمن واخلطي معه عسل وصبيه عليها وهزيها بالقدر او الحافظه لاتخلطينها بالملعقه عشان ما تتكسر
وبالعافيه
ورابعاا
القرصان
المقادير خمس كاسات دقيق ابيض وثلاث كاسات دقيق اسمر
ملعقه كبيره خميره فوريه وملعقه كبيره ملح ناعم
ماء للعجن
واللي تبي تحط بيضه عادي احياناا احط
واحياناا ملعقه كبيره حليب
اعجنيها بيدك
والعجين يكون راخي يعني اذا شلتيها بيدك ماتسيل من يدك
ولعي على الفرن من فوق قبل بخمس دقايق
سحني الصاج فوق على الفرن شيلي ملا يدك عجين وحطيه بالوسط
وابدئي افرديه براحة يدك
وخلي شكله دائري
بعدين سوي له حفر باصابعك
واول مايبدا يشقر من تحت
شيليه بالملعقه المسطحه و
دخليه الفرن ويكون قريب مره اقرب شي
عشان يحمر بسرعه
وتكوني عنده تراقبينه
وبالعافيه
تمنيت اني منزله الصور بس ان شاء الله بعد الحج اصورهاااااااااااااااا
وانزلها لكم
تحياتي
الشاطره حواء