sarah2012 @sarah2012

عضوة

بيتي تحول لفندق 😫😫

زوووجي مايقعد بالبيت ابد ابد الا يجي ياكل وينام
اغلب وقته عند اهله يتقهوى معاهم يسولف وياهم يطلع مع اخوانه وبعض الاحيان يجيب لي من المطعم ويرجع ياكل معهم
للمعلوميه عندنا طفله وحده مو شقيه ابد ولا تزعجه وكمان اسوي يوميا قهوه وحلى واحاول احسسه بأن فيه آدميه هنا لكن لاحياه لمن تنادي

مو مقصر علي ابد الا هالناحيه مضايقتني مررره مليت وانا اكل لوحدي واناظر التلفزيون لوحدي 😓

ايش الحل ارسله مسج مع ان شخصيته شمالي ماتوقع تنفع المسجات معاه
وان ناقشته وجها لوجه يقدر يخرج نفسه وكأنه ماسوا شي يستاهل العتب
عطوني حل بليز

يلزم عليك تسجيل الدخول أولًا لكتابة تعليق.

تسجيل دخول

عُ ـطْر و عُـود • 10 سنوات

لا تعبي نفسك معاه و لا تطلبيه يجلس
اطلبي هالطلب ممن بيده كل شيء
ادعي الله في سجودك و كل وقت
استغفري
و الله يجعل بينكم من المودة و الرحمة أجملها
و يرده لكي رداً جميلاً تقر به عينك

لولا العُـسر لما صار لليُسْر لِـذَّة

♡٠٠ أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ و أتوبُ إِلَيْه ٠٠♡

moodka • 10 سنوات

قولي له مااحب اكل لحالي ودني عند اهلي مدام بتروح لاهلك

مرة مرتين بيتعيجز يوديك لاهلك ويضطر ياكل معك

ام حسينة • 10 سنوات

ههههههههه فتره وتعدي انتي اطبخي غدا اوعشاء ودقي عليه قولي تعال تعشاء معي وكل مره نفس الشي لين يتعود بس مافيه مشكله لو اكل مع اهله بس مو ع طول

sarah2012 • 10 سنوات

صارلي سنتين ع هالحال وصااابره ومطوله بالي مررره ابد ماكثرت كلام ولا شي وبالعكس يروح لاهله زي ماوده بس عاد مو ينسانا بالمره 😓😓
كلها جربتها وسويتها ولا فاد للاسف احسه عايش دور العزابي مو مستوعب انه مستقر وعنده بيت

dubai2 • 10 سنوات

كلمي خالتج اقصد امه اذا جاهم تطرده ههههه
اخوي في بدايه زواجه كان كذا يرجع من الدوام عند امي
و يخلي العروس بنفسها اسبوعين ثلاث و هو ع نفس الحال
وفي يوم رجع من دوامه عند ماما والله ما فتحت له قالت له روح عند مرتك
ههههه و انا واخواني فطسانين من الضحك عليه و بعدها تعود
الحين ما شاء الله عنده ولد و بنوته الله يحفظهم