بيت الزوجيه

سلام عليكم


كيفكم


أخباركم


فطرتوا ولا لسه


بنوتات انا ابغى اعرف دحين كل عروسه فيكم ايش سوت في بيت الزوجيه يعني خرجت مع خطيبها اختارت غرفة النوم والصاله والصالون والمطبخ ونقت كل شي بنفسها ولا مااتدخلت في شي والعريس سوا كل حاجه

مرررررررررررررررره بواجه مشاكل كتيره في دا الموضوع بيت خطيبي مو من عاداتهم البنت تختار اثاث البيت يعني لو مررررررررره تختار غرفه النوم

بس عكسنا احنا بنات العيله يختاروا كل حاجه من الابره للصاروخ المشكله خطيبي راضي اني اختار معاه لكن المشكله في اهله امه كل شويه تدقه بالكلام واخوه يقوله كمان المطبخ هي تختاره خلاص روح افرش من راسك :eek:
المشكله كمان انه ماشالله أخوانه كتير حوال 5 اولاد و4 بنات وكل اخوانه الاولاد متزوجين بنات يعني يقربولهم من بعيد فنفس عاداتهم وماتفرق معاهم شكل البيت

اما احنا اتعودنا على اشياء تانيع يعني مثلا الغساله نوع معين
الفرن طول عمرنا نستخدم كهربا وعمرنا ماايتخدمنا الغاز هو بعد عناء طويل اقنعته بالكهربا ولو انه مو مقتنع بس عشاني رضي لا وكمان اهله مايدروا يقول خليهم يشوفوا وخلاص لأنه لو قلهم كلهم حيخاصموه :eek:

انا حاسه راح ادخل عند عيله غريبه وفي بيننا تصارع ثقافات وحضارات

كل شويه يواجه انتقادات من اهله ليش تشتري مجالس غاليه

ليش ايجار الشقه غالي

انت ليش مديها وجه بزياده وكل شي تنقيه بنفسها انا طفشت وهو حالته النفسيه مررررررررررره سيئه من كلامهم امه طول الوقت تحرجه واخوانه يتدخلوا في كل صغيره وكبيره انا ماأحب دا الأسلوب

ايش اسوي قولولي ايش الحل ؟؟؟؟؟؟؟؟؟؟ خلاص انا قلت ماراح اختار ولاشي كفايه غرفة النوم والصاله والصالون والمطبخ هو صح مابقي شي بس يعني لسه اكسسوارات البيت والصراحه اهل خطيبي ذوقهم مايناسبني يعني من العوايل اللي مايهمهم الشكل وتناسق الألوان يعني اي حاجه وهدا السبب اللي خلانا حتى نسوي الفرح مشاركه عشان نقدر نتحكم في الترتيبات عشان يطلع شي حلو وشوي على ذوقي لأنه انا اذا الشي ماعجبني ودخل مزاجي اموت قهر انا احب الترتيب والنظام والتناسق وكنت حاطه خطط لبيت أحلامي بس حاسه كلها بتنهار


هئ هئ هئ هئ هئ بليز ساعدوني قولولي انتوا كيف سويتوا ؟؟؟؟؟؟؟؟؟؟؟؟