(( بيكربونات الصوديوم )) رووووعة لا تفووووتكم السالفة ؟؟؟؟

بيكربونات الصوديوم ؟؟؟؟؟؟؟؟؟؟؟؟؟؟؟؟؟؟؟؟؟؟

ياناس انتبهوا لصحتكم ؟؟؟؟

بالله ضامنين هالخرابيط والدعايات ما تسبب أشياء خطيرة ..

انتم حتى بموضوعكم تقولون انكم مو عارفين تقرون شمكتوب عالعلبة ؟؟؟؟؟

واش مكوناتها كيف تستخدمونها ؟؟؟

لين متى أحنا العرب تابعين لكل شي يجينا واحنا مغمضين ؟؟؟؟؟؟؟

والله ماعلى الألمان منكم تجيبون بنت والا ولد كل همهم الفلوس وبس..


مافيه مادة بالصيدلية الا ولها سلبيات مقابل الإيجابيات انتبهوا

لهالكلمة زييييين ...

حتى الأدوية الي يوصفونها للمريض لها سلبيات وشوفو الروشتات كيف تخرع كيف بهالخرابيط ..وفي منطقة حساسة ومعرضة للالتهابات والأمراض وجاية من عند الأعداء ياسلام كملت ..

والسؤال الأهم

النفسية كيف بتصير لو حملتي ببنت وانتي ماخذه بهالسبب بالله كيف بتكون؟؟

راح تتذمرين أنتي وزوجك من القضاء والقدر أكثر من لو ما استخدمتيه .. لاحول ولاقوة الا بالله ..

إقرأوا موضوع الدكتورة بالمنتدى

حتى عملية اختيار الحيوان المنوي المذكر وتلقيحها بالبويضة نتيجة نجاحها 70 بالمية مو 90 بالمية وهي عملية كيف نسبة ( غسووووول )

كلها دعايات يعلقون قلوبكم فيها ويسرقون فلوسكم وبس !!!!

ياناس تكفوووون كبروا عقولكم لا ينعتونا الغرب بالي عندهم فلوس مو عارفين وين يودونها ؟؟؟


و لو جاك ولد من الله ماله دخل بالي سويتيه بتشكرين الي دلتك على الموضوع أولاً قبل شكرك للمولى لا تقولين لا ...

وتتوهمين أنك لو ما استخدمتيه كان جاك بنت صح هنا المصيبة ؟؟؟؟؟؟؟؟


وهو كله مكتوب لكم من زمااااان ....


قال تعالى ( ونقر في الأرحام ما نشاء)


واتركوا الجهل وتفضيل الولد أحنا بأي عصر؟؟؟


ولاحظوا معاي كل ما كرمنا الإسلام بشي رفضناه بشدة ..

كرمنا بالحجاب واحنا مصرين نتبرج تبرج الجاهلية الأولى



كرم البنت وخلاها حجاب من النار ومن راعاها فهو مع النبي واحنا مصرين نرفض حجاب النار ونتمنى الولد الي ماله أي فضل

بالإسلام زي البنت وكأننا ضامنين الجنة ومستغنين عن حجاب من النار

ايه طبعاً أعمالنا فاضلة وكثيرة ومغرقتنا ولو متنا هاللحظة بندخل الجنة مباشرة بدون حساب صح ؟؟؟؟

وحسناتنا احنا النساء معروف مغرقتنا ماحنا محتاجين حجاب من النار؟؟؟؟؟؟؟

.ما كأن الرسول صلى الله عليه وسلم قال : (فإني رأيتكن أكثر أهل النار) ....

دوري يا أختي على نجاتك و الي يبعدك عن النار ويحجبك عنها واتركوا الركض ورا هالدنيا تراها قصيرة ما تستاهل ...

وحضرات الأزواج الي يبغون الولد ؟؟؟ خير إن شاء الله

مستغنين عن صحبة خير الخلق الي وعد من يرعى البنات بصحبته بالجنة ..

ايه ما شاء الله طبعاً من هالحسنات الي مغرقتكم مستغنين عن هالفضل ..

للأسف هذا الي جاب الأمة ورا .. رجالها وحريمها كلهم مادروا عن جنة ولا نار كل همهم مقارنات مع فلان وفلان ( ألهاكم التكاثر حتى زرتم المقابر )

إذا المجتمع الي حولينكم متخلف ومتأخر ورجعي وجاهلي بتفكيره واعتقاداته

...

خلوكم أعقل منهم وأوعى وخلوا عندكم ثقة باختيار الله وارضوا بهدايا الرحمن .. وبالحجاب من النار .. وإ>ا أم الزوج تبغى ولد طنشوها عجوز وجاهلة ما عليها شرهة الشرهة على المتعلمين والي يقرون أحاديث الرسول ولا يطبقونها ولا يتبعونها ..

والله أننا نوأد البنت بطريقة جديدة ... وحديثة ..

يكون بعلمكم الزوج الي يحب زوجته ويحترمها عمر الولد او البنت ماراح يخلونه يفكر يتزوج عليها والي حاط الزواج في باله بيتزوج ويحط الولد حجة


زميل زوجي بيتزوج على زوجته وعنده خمسة اولاد !!!..


واعرف شباب كثير في عايلتنا ما تزوجوا على زوجاتهم وماعندهم غير بنات وواحد له ماشاء الله احدى عشر سنة يعالجها ماعنده أولاد ولا بنات ولا جا بباله يتزوج لأنه يحبها والحب من الله ..ماشاء الله لاقوة الا بالله الله لا يضرهم يارب ...

وإذا عشان السلايف والحموات والمقارنات فاسمحوا لي ابليس كان غيران من آدم يعني صفة الغيرة الزايدة لدرجة حتى بالخلفة والنصيب هذي ترى والله من الشيطان ؟؟؟؟؟ ..وهابيل كان يغار من قابيل لحد ما قتله .. اتركوا الغيرة والمقارنات حتى بهالشي ؟؟؟؟

وإذا قلتي رغبة مجرد رغبة مني مالها دخل بالي راح ...

اسمحوا لي اقص لكم قصة قالها امام المسجد بشمال الرياض ويشهد الله على صحتها وواقعيتها اربعة اولاد طردوا امهم بالشارع عشان زوجاتهم ما يبغونها بعد ما ضحكوا عليها و بيعوها نصيبها وذكرياتها ببيت والدهم المتوفي وبنوا لهم تجمع كبير بس مافيه مكان للعجوز وهي حست بهالشي وعرفت واشتكت للإمام ...

وجا ((( زوج بنتها ))) وأخذها وهو يسبهم ويشتمهم وحط لها قسم خاص ببيته .. لا تفرحون بالولد مو لك هو راح يكون تابع لزوجته بأغلب الأحوال والسواق هو ولدك البار وقتها وإذا زارك كل يوم يزورك وهو عقله مع زوجته مو معك ... وستذكرون ما أقول لكم ..

أتحداكم كلكم تجيبون لي من السنة حديث يفضل الولد على البنت ........


وسامحووووني عارفة اني قسيت عليكم بس والله لو ماني مقهورة على وضعكم وماودي الغرب يضحكون علينا بدعاياتهم ما كان انفعلت والعذر والسموحة للجميع والله يرزق الجميع ما يتمنون ..


ندااااء للأخت المشرفة ( اغلقوا الموضوع ) آآآآسفة آآآآسفة والله ما كان قصدي أجرحكم يا حبيباتي أنا أمي حبيبة قلبي مثلكم أقرأوا قصتها قبل تهيجون وشلون أتشمت فيها يعني ؟؟؟؟؟

والي مي مصدقة تقرأ الصفحات في تجمع القيصرية قد قلت فيه مرات كثيرة أن ماعندي إلا خوات والعيال يتوفون بالولادة يعني أمي عانت مثلكم بالضبط و>اقت الأمرين بسبب هالموضوع وقاعدة على بالي اواسيكم هالحين هههه !!!!

هذا الي خلاني أكتب الموضوع لا شماتة ولا شي وأنا بيدي والا بيدكم شي عشان اتشمت ؟؟ والله ما اتحمل أشوفكم زعلانين الى هالدرجة مني وفاهمينها شماتة مو معقول ؟؟؟ وبالنسبة للموضوع فهو للجذب بس مو قصدي وما عليه أكرر اعتذاري للجميييييع أحبكم يالغاليات .. ...