بين نارين مابين زوجي واختي

معليش الموضوع ناقص هذا الموضوع كامل

_________

السلام عليكم
بدخل بالموضوع ع طول ، زوجي الحمدلله انسان كويس ويلبي كل طلباتي وانا بين نارين مابين زوجي واختي
، زوجي يكره اختي وهي متزوجة لدرجة وصلت فيه يقول لي تقابلو عند اهلك او خلي اي احد يوديك بيتها بس انا ماراح اوديك بنفسي ، للعلم انو اختي الثانيه متزوجة اخت زوجي يعني اخوان واخوات فااحيانا اروح معاها لااختي اللي زوجي يكرهاا > ان شاء الله فهمتو لحسة المخ ذي 😂😂
بس اللي يحز بخاطري سمع عنها كلام وكرهها وهي مظلومه والله اعرف اختي زين بس عاد تعرفون الرجال اذا كرهو احد خلاص قلبهم حجر عكسنا احنا ، وبرضو هو يكرهه زوجها وللامانه زوجها عديم الاحترام صراحه بس اختي مالها ذنب وماله حق يكرهها ،
واللي خلاني اكتب لكم الموضوع اخذت جواله قبل شوي وشفت محادثه له ولااخوه اللي وداني لااختي يساله يقول (اخذت زوجتي وزوجتك من عند الزباله) اسفه ع الكلمه بس قهرني اسلوبه مهما يكون ذي اختي وماضرته وانا ماابغى اسوي مشاكل معاه ومحتاره وربي مدري شسوي ،
كل وحده تحط نفسها مكاني وتقول لي ايش بتسوي ؟
هل اعارض ع رأيه واحنن قلبه عليها رغم انو مااتوقع بيحن واخليه هو بنفسه يوديني لها؟
او اسكت واطنش الموضوع واكبر عقلي ؟
واحيانا اتعمد اجيب طاريها كثييير واكذب عليه باانها جابت لي وسوت لي بس عشان ماابغاه يكرهها
المشكله احنا يالحريم مانرضى احد يغلط ع اهالينا وانا والله تضايقت من الكلمه اللي قالها لااخوه عن اختي 💔💔💔💔💔
هو يحب اهلي كلهم ويحترمهم ماعدا اختي ذي اللي يكرهها ويسال عن اهلي كلهم الا هي وهي وربي ماسوت له شي بس سمع عنها كلام وصدقه وحاولت افهمه واعلمه ان مالك شغل بكلام الناس بس مو راضي يقتنع،للعلم انا جدددا محترمه مع اهله ومع اخواته وهم الحمدلله ماقد شفت منهم شي بس اتخيل اني اقوله قدام وجهه انا اكرهه اختك فلانه وماابغى اروح ازورها عشان يحس باللي حسيت فيه اتوقع انه بيطلقني 😂😂😂

الله يعيينك

كبري عقلك وطنشي روحي لها من غير مايوديكي زي ماهو طلب او قابليها في أماكن ثانيه واستمري في اصلاحك عل الموضوع من غير ضغط عليه فاكيد مع الايام بينسى ويووديكي لها بنفسه الحياه بتستمر ماراح توقف على رأيه

حبيبتي مو لازم يحبها قلعته وهو مامنعك عنها تروحين مع اخوه واختك او اهلك هاذي نقطه حلوه منه بس الاخم انك تجينه بهدوء وتقولين له اسمع يافلان انت واختي عينين براس ومااعتقد انك بترضى اسب اختك والا اخوك ولا اطلب منك تحبها او حتى تحترمها شي يخصك ومايمهمني بس رجاء مثل ماانا احب اهلك واحترمهم عالاقل عالاقل وهاذا اضعف الايمان اترك المسلمه بحالها ولاتذكرها بكلمة زينه كانت او شينه هاذي لحمي ودمي ويجمعني فيها اسم واحد ومارضى احد يسبها او يلمزها بمسميات مالها داعي مهما كانت اسبابك او حتى اللي انت سامعه عنها سواء بالصدق او الكذب

احمدي ربك مخليك تروحين لها وهو يكرهها


اسكتي بس لايتفاقم الخلاف بينكم ويحلف عليك ماتطبين بيتها


تجاهلي مشاعره تماما
ماكنك منتبهة