تأخير الزواج

يابنات أنا متضايقة من تأخر زواجي مو أني ماأنخطب أنخطب وإذا قلب الموضوع رسمي أختفوا الخاطب وأهله بدون سبب واضح وبدون حتى يقولون إنه خلاص مايبوني لا يختفون وبعضهم يواجهونا بعد فترة بكل ثقة ولاكأنهم سوو شي !!؟ولاحتى يفتحون الموضوع معنا مجددا أنا لو أخطب لاخوي وأسحب على الناس بدون عذر ماراح يكون لي وجه أقابلهم خصوصا إذا إني ماأعتذرت وقلت لهم السبب إلي خلاني أسحب عليهم يابنات وياأمهات تكفون لاتخطبون لقرايبكم أو عيالكم أو أخوانكم حتى تتأكدون إن الولد موافق وإنكم مقتنعين بالبنت تمام الأقتناع مو تكلمونا وتسحبونا علينا حنا مو قطعة أثاث بغيتوا تشترونها وبعدين غيرتوا رايكم حنا بشر وعندنا أحاسيس و مشاعر شلون تتكلمون بموضوع جاد مثل هذا وتسحبون؟؟وكأن الموضوع عادي جدا طيب كنتوا تتناقشون بالموضوع تناقشوا لحالكم لحد ماتقررون لاتشاركونا أفكاركم قبل تخطبونا ولاتكلمونا حتى تصلون لقرار ثابت هل تبون هالبنت لولدكم أو لا أنا كنت أفضفض لكم زواجي تأخر وتعديت الثلاثين دعواتكم لي بديت الاحظ نظرات الناس لي سواء شفقة أو أحتقار أو تهرب بعض أمهات البنات إلي تو أنخطبوا بناتهم خايفين من عيني وكأن محد بيعطيهم عين غيري أنا