اولا اشكر المشرفه الغاليه على هذه المسابقه الرائعه وانا حبيت اشارك فيها وحبيت اغير
شوي عن اخواتي واجيب الموضوع على شكل
قصه من تاليفي لاني اولا احب كتابت القصص
ثانيا : عشان اشوق الامهات والطالبات للقرائه
واتمنى تعجبكم وتنال على اعجابكم
بسم الله الرحمن الرحيم
قبل نهاية العام الدراسي وقبل الاختبارات النهائيه بكم يوم
دق جرس الهاتف
الو نوال: كيف حالك وشو قاعده
تسوين حايسه زيي في ذا الاختبارات والمذاكره زيي صارلي اسبوع وانا اذا كروالله طفشت
نوال: هلاوالله بسعاد الحمدلله انابخير بس الحين
انا بطلع بعدين اكلمك
سعاد : تطلعين الحين وقت اختبارت وين رايحه
نوال:امي وابوي الله يحفظهم متعودين كل سنه
قبل الاختبارات يطلعونا ويمشونا عشان تنفتح
انفسنا للاختبارات ونذاكر بنفس
سعاد : الله يخلف علينا صارلنا اسبوعين محبوسين حتى لو نزلنا لصاله تحت يهاوشونا ذاكروا وذاكروا احس اني زهقت وهي مابدت
وسكروا السماعه وراحت نوال مع امها وابوها واختها الثانيه البحروتمشوا وودوهم الملاهي
عشان اخت نوال الصغيره وتعشوا في مطعم
وهم في المطعم دارالحوار التالي :
الاب : يالله يبنياتي كل وحده تقولي اذا نجحت
وشو تبي نجيب لها هديت النجاح الي تبون اطلبوه واذا نقدربنجيبه واذا شديتوا حيلكم وشفت
علاماتكم عاليه عندي لكم مفاجائه تهبل بس انتوا
جيبوا العلامات العاليه وتشوفون
البنات: تكفى يابوي قلنا وش هي المفاجئه عشان
نتحمس زياده
الاب : لالا اذا قلت لكم ماتصير مفاجأه بعدين
تعرفونها والحين انبسطتوا وتعشيتوا يالله عاد
عشان نروح البيت عشان تنامون بدري وتصحون
بدري
وبعدصلاة الفجر بعد ماراح ابوهم يصلي الفجر
دخل عليهم الاب
يالله يالله قوموا يابنياتي الله يرضى عليكم عشان تصلون الفجروتذاكرون ترى المذاكره الفجر مافيه احلى منها يالله
ودخلت الام عليهم ومعها صينيه فيها الفطور حليب وتوست وكرسون واشكال والوان من مالذ وطاب
نوال : الله وش هذا كله يامي الله يعطيك العافيه
الام : هذا حاجه خاصه بس للاختبارات عشان
تصحصحون وتروقون
وفي يوم الاختبار بعد الفتره الاولى طلعت نوال وسعاد وجلسوا في الساحه يراجعون الماده الثانيه
نوال : وشوسويتي في الاختباروالله انا عني كان سهل زي المويه الاسئله مافي احلى منها الحمدلله
سعاد : والله لاهي سهله ولاشيء ماجاوبت الاعلى سؤال مدري اثنين وماني متاكده بعد منهم
نوال : ليش انتي ماذاكرتي زين في الايام الي
راحت ؟؟!!
سعاد: يوه ياختي وين الواحد يذاكروامي وابوي
بس يتهاوشون وبصوت عالي وانا واخوي هاليومين نفسيتنى زي الزفت كل الي ذاكرته نسيته هم يحسبونا مانفهم ولانحس
ولما اقول لامي
ليش يمه تقول انتي وشودخلك انتي ذاكري ولالك
دخل فينا تخيلي حتى التلفزيون شالوه والنت
والبلاي ستيشن حق اخوي ومايخلونا ننزل تحت ابد
الاكل امي تجيبه لنا فوق تقول في سجن ماكنه
ببيت وكل مااكلم امي ماعلى لسانها الا ذاكري
وذاكري
انتي كذا امك وابوك ؟؟!!
نوال : لاوالله مساكين.. التلفزيون موجود والنت
وكل شيء ويعطونا ساعه بعد العصر نسوي الي نبي وبعدها نذاكر لحد الساعه عشره ونقوم الفجر
نصلي ونذاكر وهذا يومنا
وامي الله يحفظها ماتخليني اسوي ولاشيء في البيت تقول عندك اجازه لحد ماتخلصين اختبارات
والله انها تكسر خاطري العصر ماتخلي كيكه ولابسبوسه ولاحلاماتسويه لنا والعصيرات اشكال والوان يوم كوكتيل ويوم برتقال ويوم مانجوا
سعاد : الله يهنيكم يالله انا بروح ارتاح شوي والله
مالي نفس اراجع حتى متى تخلص ذالاختبارات
ونفتك اعوذ بالله مثل الهم على القلب
وفي البيت دخلت الام على نوال وقالت لها اسمعي يابنتي بقولك كلمتين ابيك تسمعينهم زين
الكتاب الي تحسين انه صعب عليك جيبي قلم
وخططي على المهم منه واكتبي عليه مهم وحطي
اساله وجاوبي عليها من الي حفظتيه
واذا صليتي
ادعي الله واستغفري كثير وفي الاختبار اقرائي
الاسئله مره وثنين ولاتستعجلين في الاجابه ولاتنسين تقولين اللهم لاسهل الاماجعلته سهلا وانت ان شئت جعلت الحزن سهلا
وتوكلي على الله
واناوابوك بعد ماراح ننساك بالدعاء لان دعوة
الام والاب مستجابه
ولما تطلعين من الاختبار لاتقعدين تضيعين الوقت في مراجعة الاختبار الي راح,, جاوبتي صح اولا انتي سويتي الي عليك
والباقي على الله اهم شيء الفتره الثانيه راجعيها
وبهدوء وان شاء الله اذا سويتي كذا ربي بيوفقك
وتنجحين باذن الله ومن توكل على الله فهو حسبه
وبعدالاختبارات وعنداستلام النتيجه
نوال دخلت البيت وهي طايره من الفرحه باركولي نجحت وبتفوق بعد مش اي نجاح وشرايكم
والفضل يرجع لكم يالغالين الله يخليكم لنا يارب
وفي نفس الوقت سعاد راجعه البيت وهي تجر
رجلينها وسألوها ها وشو سويتي والنتيجه كانت
واضحه سيماهم على وجوههم
والسبب طبعا معروف
اتمنى تكون القصه اعجبتكم وتنتفعون منها
وياليت اشوف رئيكم فيها ولاتحرموني من الردود الحلوه 00000000الماهرت
