تابع موضوع لابيت ولاعيال ولاحياه هانئه

مساء الخير -اشكركم من كل قلبي ع ردودكم لموضوعي --وبالنسبه للي بتسأل وين ساكنه انا حاليآبضواحي الطايف وقبل بالرياض عند أخو زوجي وواذا ربي اكرمنا بنستأجر بالرياض -والبنات اللي قالوا انه من حق سلفتي تعيش ببيت لوحدها انا معاكم وقسم بالله اعرف الذوق والاصول واتمنى كمان انا اسكن بروحي -والله يابنات اغليتها هي وعيالها واغلب الاوقات ماارجع من برا الابيدي شي لهم واذكرها بالخير الى الان بعدكل اللي شفته لكن هم بالفتره الاخيره ماصاروا يتحملونا ابد مع انهم عارفين كل شي اقلها ينكسر خاطرهم من شان العيال والله ولدهم الصغير دايم عندي بالغرفه اناوزوجي ننيمه ونلعب معاه واهتم فيه اذا طلعت من كثر مانبي الاطفال تعلقنا فيه وماقصرت ابد معاها لدرجة اظطريت آخذمنها 100 ريال وقالت بشرط ترجعينها 300 وقلت ابشري -والله يابنات حتى صلاه ماتصلي ابد ولاعمري شفتها تصلي لدرجة دخلنا مسجد انا وياها مره ع الطريق ودخلت غسلت ولدها وطلعت ولاتقولوا ماعليها صلاه سالتها لمن رجعنا وكانت طاهره حاولت مابين لها اني اعرف وذكرتها بعقوبة تارك الصلاه والمشكله تعرف وتقول صادقه مفهتني انها تصلي مع انو ماله داعي اقول لكم لكن ابيكم تعرفوا اني ماقصرت معاها وطول الوقت موسعه بالي حتى لمن اكتشفت انها مدت ايده ع بوكي وخذت منه كل اللي فيه ويشهدعلي الله كنت محتاجه هالمبلغ حيل ولمن عرفت انها هي وتاكدت مليون بالميه ماسألتها ولااهتميت ولا دعيت عليها عادي بتلقى جزاها -وبالنسبه لراحتها هي عندها شقتها الخاصه يعني ماتتحجب انا بمقلط الرجال والباقي لها كله انا اللي موماخذه راحتي من شان زوجها حتى الوضوء الله يكرمكم اتوضأ داخل بالحمام موعند المغاسل وااقدر ادخل او اخرج منه الالمن اوقف زوجي حارس آآآآآآآآآآآآآآآآآآآه معاناه لكن الله يفرجها يارب افرجها علي وعليكم وع المسلمين ويرزقني الذريه الصالحه تكفون يابنات ادعولي زوجي مجهزاسم الولد من الآن واول مااجيب سيرة انه بيجينا بيبي يجلس يحكي ويحلم ويحلف انه ماراح يقصر معاه بشي ويعيشه احلى حياه آه متى يجي حاسه ان حياتنا بتتغير اذا جانا ولد او بنت --آسفه اذا طولت بالحكي وهذاردي لكل من ردع موضوعي اشكركم من كل قلبي ولاتنسوني من دعاكم وان شاءالله ابشركم بكل ماهو خير لي وجزاكم الله الف خير --