أم عمر وعبدالعزيز @am_aamr_oaabdalaazyz
عضوة جديدة
تايهه ومحتاره مره .. احتاج لرايكم
صباح الخير
ابي رايكم يا اخواتي وماخاب من استشار انا مالي حظ بالزواج سبحان الله
او بالاصح مستقعدين لي بموضوع الزواج واقرا على نفسي ويفتح لي ربي ثمن اتطلق
مريت بتجربه زواج مرتين ..المره الثانيه تركت في قلبي ونفسي الم كثير
تضررت نفسيا كثير من التجربه لان الرجل كان كذاب وكان يستغل طيبتي وامور كثيره
حتى لمنن طلبت الطلاق وبعدها تراجعت صرت ادعي ربي كل يوم واقول اللهم اني فوضت امري اليك
ووقتها مريت بمشاكل كبيره وضغط نفسي بسببه وصبرت وفي يوم طلاقي صليت ركعتين وبكيت ودعيت
الله انه يختار لي اللي فيه خير لاني حسيت اني تعبانه وضايعه وسبحان الله تطلقت والحمدلله
زواجي الثاني استمر لاربع ايام ورماني عند اهلي والحمدلله على كل حال
كرهت الرجال بسببه وصرت اخاف من الزواج
بعده تقدمو لي كثير وينقبض قلبي وارفض ويصيبني خوف من التجربه الثالثه لاني اذا تطلقت بيقولون السبب مني
وانا والله حيل مظلومه .. المهم الان تقدم لي رجل متزوج 2 يعني انا بصير الثالثه ..
مدري ليه ومستغربه من نفسي في شوية ارتياح وانشراح في صدري خصوصا بعد الاستخاره
ولمن سالت عنه اللي تقرب له كل كلامها يريح الصدر بس طبعا لسه ماخطبني رسميا بس كلام حريم
لين اوافق ثمن يجي يخطب ويشوفني واشوفه
سوالي انا مره تايهه اوافق عليه ؟؟
هل اللي متزوج 2 ممكن يهمل الثالثه .. هل تتوقعون راح يهتم بكل نساءه ولا يظلم
هو مقتدر ومرتاح وراح يسكني في بيت لوحدي ..عمره 46 وانا عمري 32
شورو علي لاني والله تايهه ووصلت الى مرحله مدري اخاف ارفضه واخاف اوافق عليه
والله انصدمت كثير في حياتي الله يعوضني خير وادعي ربي دائما يعوضني خير
لمن اشوف اخواتي مع اطفالهم اقول ياليت لو بس عندي طفل واحد يسليني واهتم فيه
لمن تجي الاجازات وكل وحده مسافره مع زوجها واطفالها ينحرق قلبي على حالي
والله ماعترض على قضا ربي بالعكس مسلمه امري لربي واساله ان يعوضني خير
الله كريم الله كريم
33
2K
يلزم عليك تسجيل الدخول أولًا لكتابة تعليق.
이특
•
الله يكون بعونك قلبي
أخاف أقولك وافقي و يطلع مو مناسب لك كل إللي أقدر أقوله إستخيري و إسألوا عنه زين و الله يوفقك و يكتب لك إللي فيه الخير يارب
الصفحة الأخيرة