تبغي سينابون مثل السوق!! تعالي سويه بس بدون عجن وفرد ولف..!!!

بسم الله.. والصلاة والسلام على رسول الله....

أخواتي العزيزات... عشاق السينابون.... الآن تقدرون تتمتعون بأكل سينابون من مطبخكم
الخاص ويكون بنفس طعم اللي في السوق .. لا ؤبعد من غير تعب..!! وارتاحوا من محاولات تجريب العجاين واللف والدوران وبالأخير ماتطلع مثل اللي نبي..

كيف ؟؟؟؟؟

تعرفون السينابون الجاهز اللي ينباع في البقالة .. أو السوبرماركت في قسم الخبز.. ويكون في كيس فيه 8 قطع تقريباً متلاصقة.. ومزين بصوص السكر!! وأعتقد من مصنع (دلتا).. ومكتوب عليه
(سويت رول ) عرفتوه زين..؟!


المهم خذي قطع السينابون وحطيها في صينية بايركس مثل ماهي من غير ماتفككيها .. واختاري صينية تكون تقريباً بنفس حجم القطع...

خليها على جنب ... وروحي سوي هذي الخلطة :
2 بيضة
بيالة ونص زيت
بيالة سكر
2 م قرفة ناعمة

اخلطيها مع بعض واسكبيها على قطع السينابون واغرسي السكين في جميع الجهات حتى تدخل
الخلطة فيها..

ثم أدخليها الفرن عشر دقايق عشان تسخن وتتشرب الخلطة ..

أخرجيها .. ورشي عليها الجوز أو اللوز ..
اسكبي عليها خليط ( الكيري والنستلة ) المعروف...
ثم ضعي لمساتك الأخيرة من صوص الهيرشي المذوب مع قليل من العسل..


وبالعافية
مع دعواتكم لي.. ولو كنت أعرف أحط صورتها مابخلت عليكم.. بس اللي تجربها
ياليت تحط صورتها عشان يتحمسون الأخوات ويسوونها...