تبون تعرفون ليش زوج نوف يعشقها ؟؟؟؟؟

تركي: السلام عليكم
أمل:هلا وش فيك متاخر اليوم
تركي:شويه شغل
أمل:شغل ايش
تركي:تعبان بعدين احكي لك
أمل: ايوه السوالف برا وعندي مافيك حيل تتكلم
تركي:اقول لك تعبان وجوعان حطي الغدا
أمل:ايوه هذا اللي همك
حطت الغدا وهي مبوزه واكلو وقعدو شوي قدام التلفزيون
أمل:ليش ساكت كلمني
تركي:وش اقول انتي تكلمي
أمل:ماتشوفني طفشانه من الصبح قاعده لوحدي وانت ولا حاس فيني
تركي: لاحول ولا قوه الا بالله
أمل في نفسها-الحين انا نظفت البيت وطبخت وتجهزت وتزينت ولا سمعت اي كلمه حلوه كله صمت ومجامله وهو يجي ياكل ويشوف التلفزيون ولا كأن في وحده جنبه اش المخلوق هذا ومتى بيحس فيني اني انثى ابي اسمع كلام حلو وابي اهتمام وغزل وحب.
تركي-في نفسه الحين هذي وش تبي انا تعبان وهلكان ونعسان لا اشوف ابتسامه ولا موده ولا اهتمام بس تبي تطلعني غلطان ومقصر وظالم وهي ما تحس في وفي رغباتي. وبصوت مبحوح انا داخل انام

وفي نفسه -بروح انخمد واصحى اطلع للقهوه اعدل مزاجي اللي عكرته علينا هالنكديه اللي ما تخلص طلباتها

فيصل :السلام عليكم
نوف:وعليكم السلام هلا حبيبي
فيصل:تعبان يانوف وماني طايق نفسي من الحر
جهزت لك الحمام ياقلبي روح خذ لك دش بتبرد
دخل الصاله الا البراد والريحه الزينه وقال في نفسه الله يخليكي لي يانوف
تركته نوف وراحت حضرت الاكل ونادته
جا بعد ما اخذ دش واكلوا وراح جلس على الكنبه اللي بالصاله وفتح التلفزيون
جت نوف حطت الشاي قدامه وهمست حبيبي شكلك تعبان الله يعطيك العافيه تتعب عشاننا كثير
فيصل انبسط واخذ منها كاسه الشاي
نوف:فيصل ياقلبي روح خذ لك غفوه وريح راسك شوي
فيصل صدقتي حبيبتي
دخل الغرفه وتمدد على السرير: الله الجو هنا بارد مره ومريح
شوي الا دخلت نوف وراحت على طول جنبه وتسوي له مساج خفيف لرقبته وايديه وظهره
حس فيصل باحساس مريح وان تعبه كله راح
بعدين قالت له بهمس؟حبيبي انا طالعه بخليك ترتاح
ناظر فيها بحنيه وقال خليكي معاي راحتي بقربك
وبعد ما صحيو من النوم
قعدو بالصاله يتقهوون
شافت نوف زوجها رايق راحت ولبست لها لبس حلو وجذاب وتعطرت وتزينت واول ماطلت عليه من الغرفه قال:واو اش القمر اللي طل علينا اش الجمال هذا
خجلت وحمرت خدودها ومن داخلها كانت فرحانه وحاسه بانوثتها وجمالها
وجلست جنبه وقعد يسولف لها وهو يناظر بعيونها وهي تسولف له بس بهدوء ورقه وتحاول ماتكثر كلام لانها عارفه ان الرجال ما يحبو ثرثره الحريم
وبعدها قضو اوقات جميله مع بعض .
الان شو استفدتو::
1-الرجل ما ينظر لجمال المرأه ولا زينتها
ولا نظافه بيتها واناقتها
الا بعد ما تريحه وتمص تعبه وغضبه
2-اعطي اللي عليكي وبيجيكي اللي لك
3-الزوجه اللي تكثر كلام زوجها يمل منها ويكره البيت
4-العتاب والشكوى تزيد من صمت الزوج وقد تؤدي الى انفجاره بيوم من الايام وقد يكون انفجاره بفعل _زواج او خيانه.
5-الرجل يحب المراه الغامضه الهادئه المعطيه بصمت التي لا تركض خلفه ولا تشعره بحاجتها اليه
عزيزتي الزوجه::
افهمي طبيعه الرجل ولا ترجعي تقول تزينت وما مدحني ولا ناظرني .ما يقعد معاي