تبون تعرفو اش قال الاستاذ عن ولدي ادخلو

السلام عليكم ورحمة الله وبركاته اخواتي بنات حواء هذا اول موضوع لي واتمنى تفيدوني في مشكلتي ماابغى اطول عليكم ولدي الكبير في ثاني ابتدائي مشكلته ان شخصيته ضعيفه وخواف من الاستاذ مع ان مستواه ممتاز في المدرسه امس بعد ماجاء من المدرسه قال مامه الاستاذ يقول خل بابه يجي للمدرسه بكره انا استغربت وابه استغرب ليش الاستاذ يبغاه في اليوم الثاني راح زوجي للمدرسه وقابل الاستاذ وكان نعم المربي للاجيال الاستاذ هذا يدرس علم نفس من 15سنه وجلس يحلل لزوجي شخصية ولدي يقول هو خواف وضعيف شخصيه ولكن مستواه ممتاز هل انتم شديدين معه في البيت وحريصين عليه زياده عن اللزوم خلوه يروح للبقاله لوحده خلوه يلعب مع الاولاد في الشارع لا تشدون عليه في الدراسه كثير راح تتعب نفسيته اذا وصل خامس وسادس ولدكم حبيب وعلى نيته وفي هالزمن مايعيش الضعيف الله يجزاه خير ماقصر الاستاذ معنا ومع ولدي بس انا وزوجي ضاقت صدورنا :44:وحسية اني اناالذنب في ضعف شخصية ولدي لاني احيانن اعصب عليه واهزئه ابغاه احسن الناس وابغاه اذا كبر يرفع راسي ومتفوق في دراسته بس للاسف حطمة شخصية ولدي وخليت شخصيه ضعيفه اناعارفه طولت عليكم بس تكفون ابي اعرف كيف اقوي شخصيته من جديد واخليه يعتمد على نفسه انا اتفقت انا وزوجي راح نغير اسلوبنا معه وراح ننفذ اللي قاله لنا الاستاذ بس تكفون لاتحرموني من خبرتكم وحلولكم واسفه على الاطاله