تبيني أحمل بالقوة!

اسعد الله مساكم يا حوائيات

أنا متزوجة و عندي ولد عمره سنتين و نص الحمدلله.. ولدي عنده تأخر بالنطق و للحين ما يقول ولا كلمة. للحين ماعرفت أدربه للحمام لانه ما يتكلم ولا يقولي انه يبغى الحمام. أنا تعبت كثير بتربيته و يادوب من ست شهور تعدل نومه الحمدلله. نفسي أرتاح و أعيش حياتي

المسألة و مافيها أن أم زوجي كل ما تشوفني تقولي وجهك شاحب لا تكونين حامل! من لما صار عمر ولدي 11 شهر و هي تسألني كل شهر لو أنا حامل! بالأول كنت أقول لها اللي من الله حياة الله. لكن الحين صارلها على نفس الموال فوق السنة ونص كلما تشوف ولدي يشاغب تقولي لو جبتي جنبه بيبي ثاني قده كانوا لعبوا مع بعض و ارتحتي منه. كلللللل شهــــر تسألني لو حامل أو لا. أنا صراحة طفشت. من يومين تقولي: يلا نبغى بيبي ثاني. و أنا قلت لها: خلي ولدي يكبر و يصير خير لاني تعبت منه. قالت: والله أنتوا بنات أخر زمن تبون زواج بدون حمل وولادة!!

للعلم أنا نزلت موضوع من قبل أنها ما تهتم بولدي ولا عمرها مسكته ولا توكله من يدها وولدي ما يطيقها ولا يحب يلمسها حتى لو بالغلط. يعني هي مجرد جدة بالأسم, حتى البوس ما تبوسه الا لو في مناسبة. أنا ما طلبت منها مساعدة, أنا اربي عيالي لوحدي و الحمدلله

الحين كيف ممكن أقولها تبطل تسألني بس بدون ما أجرحها.. تعبت و أنا اقولها خير ان شاء الله كل شهر. ابغاها تبطل تسأل. للعلم أن السؤال عن الحمل يعتبر قلة ذوق و تدخل بالخصوصيات بالنسبة لأهلي و تربيتنا.. و هي تسألني حتى قدام الضيوف و الناس الغرب

أبغى اوقفها من السؤال بدون ما أجرحها