السلام عليكم ورحمة الله وبركاته
هاذا الموضوع مجهود شخصي مني انا احسبهم يحبوني
وحصري فقط لعالم حواء
حبيت اليوم اكتبلكم موضوع خصوصا عن ام الزوج
يعني>>> حماتك
بالسوري >>> مرت عمك
هههههه
بداية راح اقسملكم الموضوع قسمين :
اولا : التعرف على شخصية ام الزوج
ثانيا:طرق التودد لها و كسبها
اولا :لازم تعرفي شخصية ام زوجك :
هل هي >>>
غيروه** عصبيه ** حبوبه ولكن يتم الأثير عليها من قبل الاخرين مثل بناتها* * طيوبه** كبيره بالسن وتصرفاتها غريبه **
اي شخصيه اخرى
سوف اقوم بتحليل كل شخصيه وكيفية التعامل معها وكسبها
واي وحده عندها سؤال تتفضل وانا ارد عليها بكل سرور
بسم الله نبدأ:::::
اول شي لما تتعاملي مع ام زوجك
لازم تتذكري ثلاث اشياء :
1- حطي بالك انها بمقام امك قبل كل شي وانه
اي شبي تسوينه لها لوجه الله كانك تسوينه لامك
لا تنتظري ترجعلك المعروف واي شي ثاني ...
2-كما تودين ان تعامل زوجات اخوانك امك فعاملي ام زوجك
افضل معامله ..
3- تذكري دائما المقوله المشهوره ((كما تدين تدان )) اي انتي يوما من الايام سوف يكبرابنك
ويتزوج وسوف تعاملك زوجة ابنك نفس المعامله
-----------------------------------------------
ان شاء الله تكونو استفدتو من الي ذكرته
الحين نبدا بطريقة التعامل مع ام الزوج
:: الغيـــــــــــــــوره ::
بصرااحه التعامل معها شيئ اخر الكل بيقول هاذي الشخصيه الصعبه وانا اقولكم بالعكس
الشخصيه هاذ تقدرين تكسبينها ببساطه
اولا: لازم تتجنبي عندها تنادي زوجك باسم دلع او اي شي ثاني وش يضرك هالساعات ال تزورينها بهاتنادين زوجك باسمه ...
علشان ما تنقهر ويضيق صدرها ان ولدها احد يدلعه غيرها
ثانيا: حاولي قدر المستطاع انك ما تسولفين عندها وين رحتو والا وين تعشيتو والا وين تسوقتو
انتبهي من ذي النقطه لانك لو سولفتي لها او قدامها ممكن توصل بطريقه تخلي ولدها ما يطلعكم
او انها تطلع معكم كل ما رحتو مكان :hahaha:
خليكي المسكينه الي ما تسولف كثير
ثالثا: حاولي تصدقينها بكل شي وتمدحيها باختارها للاثاث وكل شوي قوليلها ماشاء الله ياخاله على ذوقك
وقوليلها يارب اصير زيك ماشاء الله عليك وكثري من هالكلام والدعاوي الحلوه الله يخليك لنا ياخاله
وماننحرم منك
رابعا: اعزميها لبيتك وقوليلها اشتهينا انك تتعشي معنا واذا تكلمتك عن الطبخ وغيره اوعلقة عليه
قولي والله ياخاله صارلي فتره احاول اقلد طبخك يالله المره الثانيه اظبطه ان شاء الله لان فلان دايم يقول طبخ امي
ما فيه مثله ساعتها راح تستانس كثير
واخيرا راح تخف غيرتها وبتعاملك احلى معامله
بسم الله الرحمن الرحيم
رجعتلكم من جديد :
نروح للشخصيه العصبيه
وابيكم تعرفون شي عنها انتم تظنون انها اصعب شخصيه وانا اقولكم لا
لانها قلبها طيب يعني تجيها لحظات تعصب وصدقييني ان قلبها طيب ونظيف ليه لان الي بقلبها على لسانها على طول
وترى هاذا النوع من الشخصيه اذا اساءت اليك وتنرفزت عليك وعصبة ترها راح تلوم نفسها وتحاسب نفسها
وراح ترجع تسولف معك وكان ما صاير شي ليش عشان هاذا النوع من الشخصيه يكره الاعتذار ويتحسه راح ينقص بقيمتها
اذا قامت به ....
هاذا نبذه مختصره عن هاذه الشخصيه الان وهو المهم كيف تستطعين ان تمتصين غضبها
وتتجنبين ثورة اعصابها عليك ؟؟؟؟؟
اول شي انتبهي تنقلين لها اخبار سيه ايا كانت لانها راح تفش قهرها فيك...<<<الله يعينك
حاولي دائما يكون كلامك جميل ولبق عشان يمكن تغلطي بكلمه وتعصب عليك
وتحولها انك تقصدين شي ثاني
يعني ادرسي كلامك قبل ما تقولينه
طيب اذا وقعنا بالمشكله وعصبت و بدا لسنها بالسب والشتم :angry2:وغيره وش تسوين انا اعلمك ؟؟؟
اول شي اسكتي ولا تحاولي تردي عليها ولا بكلمه حتى لو كان كذب
وانتبهي تدافعي عن نفسك لان حالتها العصبيه ماراح تفهم عليك حتى لو تكلمتي بكل لغات العالم خخخخخ:hahaha:
طيب اذا خلصت قوليلها جزااك الله خير عشان تقصري الشر
وبعدين تعاليلها بيوم ثاني وفهميها كل شي راح تسمعلك صدقيني بس مو تبدي على طول والله يا خاله انتي غلطتي علي وانتي وانتي وانا سكت عليك لانك مثل امي لا لا لا لا ... انتبهي هاذا الاسلوب ما يمشي معها وتبدا تعصب وتبدا مشكله اخرى انتي غنيه عنها
ابدئي كلامك يا خاله صلي على النبي وقوليها الي بخاطرك بس مع كلامات حلوه ودعوات مثلا:
الله يجزاك خير ^^الله يهديك ^^ الله يرضى عليك ياخاله ومن هالكلام وراح تتجاوب معك
اذا طبقتي الي سبق صدقيني بتعاملك بحترام وحب
الله يوفق الجميع ويجعل حياتكم كلها سعاده ورضى قولو اميــــــــــــــــــــن
تابعوني بااقي
احبكم فالله
اختكم : احسبهم يحبوني
بسم الله الرحمن الرحيم
رجعتلكم من جديد
وصلنا لام الزوج الحبوبه بس ممكن تكون شخصيتها ضعيفه تاثر عليها اختها
او بناتها او اين كاان
تكون تسمع ((لتحريش)) وعلى طول يتعبى قلبها عليك
وش تسوين بالحاله لازم قبل اي شي تكون شخصيتك بالي حوليها حلوه
يعني شخصيتك مع بناتها واخواتها وكل من له تاثير عليها
شخصيه اكثر ما تكون صامته تميل الى الرسميه افضل شي
اذا طيحتي الميانه معهم راح يلقو عليك زلات وبفسرونها اشياء ثانيه
واذا كنتي غامضه وسااكته طول الوقت بيقولون هاذي تكرهنا وما تبي تسولف معنا
يعني خليك بالوسط ....حيااديه اوكي
بكذا راح تسلمي من تعبيت راس ام زوجك منهم لانهم ماراح يلقون شي عليك
وام زوجك طيوبه خوذيها بالكلمه الحلوه ..والاخلاق العاليه :icon28:
اتمنى لكم حياه سعيده مليئه بالحب والتفاهم
اختكم :/احسبهم يحبوني
باقي كم جزء واخلص كل وحده عندها سؤال تتفضل
ارجو الدعاء لي ولامي وابي ولابني بندوري
جزااكم الله خير
السلام عليكم ورحمة الله وبركاته
نجي لاخر جزء من موضوع وهو
التعامل مع ام الزوج الكبيره بالسن وتصرفاتها الغريبه
اول شي وقبل اي شيئ
الاحترام الاحترام
واعرفي ان عقليتها بتكون غريبه بعض الشي لان
الانسان سبحان الله كل ما كبر بالسن ترجع عقليته كعقلية الاطفال
هاذي شي واقع ....
طرق كسبها بسيطه حاولي لا تدخلي علها الا وبيدك شي لها
والله ولو شي عادي بتشوفه كبير بس لانها تحسك انك تفكرين فيها
حاولي تدخلي يوم معك دفايات الشاهي والقهوه
ويوم حلى بارد ويوم فطاير
ويوم شوية من غداكم تكونين شايله على جنب
وتقوليلها والله اشتهيتلك هالصحن ياخاله
ولا تنسينها بالمناسبات بقطعة قماش
بحناء باي شي تحبه \\\
انتبهي ترمين عليها كلام او تلومين ولدها قدمها
ترها حسااسه لبعد حد وتزعل على طول
حاولو تدارونها زي الطفل الصغير ولا تزعلوها ابدا
لانها مهما كان شافت بحيتها الكثير الي احنا ما شفناها
نهايه\\\\
ليكن تعاملنا مع ام الزوج وغيرها تعامل حسن
التعامل الذي وصنا به الحبيب المصطفى صلوات الله وسلامه عليه
ولتكن ابتسامتك الي ترسمينها على محياك دليل حبك للناس
وحسن تعاملك
وفقنا الله لما يحبه ويرضااه
اتمنى ان يكون من بينكن من استفادت ولو بشي بسيط من ما ذكرته
اتمنى للجميع الحياه السعيده المليئه بالحب والتفاهم
كتبت لكم لاني احبكم
كانت هنا اختكم \\
احسبهم يحبوني
°°°•°°°°•.تبين تكسبن ام زوجك تعالي احسبهم يحبوني تقولك شلون ¸°°•.¸¸.°°°•°°