مُرالزمن @mralzmn

محررة

تبين زوجك يشوفك ملكة جماال حتى لو كنتي شيفه 0بدون خلطات0!!!

دايم زوجك يشوف فلانه وعلانه احلى منك ؟؟

زوجك يعجبه لبس خواته وتعجبه اشكالهم وانتي دايم ينتقدك ؟؟

مهما سويتي ومهما لبستي مافي اي كلمة مدح حتى لو مجامله ؟؟ :mad:

تبين اعلمك ليييش ؟؟

1-لان ماعندك ثقه بنفسك واي شي ينتقدك فيه على طول تتحطمين ومعاد تسوينه :44:

2-اذا تبين شي ومعجبك وحاسه انه بيعجبه سويه ولو قال لك اي شي لا تهتمين طنشي :27:

3-ولا تبررين موقفك ابد ابد سوي الي براسك اذا كان مو غلط وخليك كلك ثقه بنفسك ولا تنتظرين النقد :27:

4-لا تسالينه عن رايه ابد لازين ولاشين حتى لو انتي حوسه وحالتك حاله خليك واااااثقه من نفسك ومن شكلك

5-حطي براسك وحده اقل منك دايم حطيها براسك وكل ماتصيرين حوسه تذكريها وترتفع معنوياتك وثقتك بنفسك خخخخ

6- دايم ابرزي ايجابياتك قدامه واخفي السلبيات وركزي بمدحك على احلى شي فيك حتى لوكان مو ذاك الزود
يعني اذا كان احلى شي فيك جسمك اهتمي فيه واهتمي باابراز المفاتن فيه وخلي عيونه تركز علي ولا تكثرين الاهمتام بغيره عشان يوضح بس اذا كان جسمك مو حلو ووجهك مو مره بس شعرك حلو ركزي عليه واهتمي فيه مره وتدلعي فيها وسوي فيه حركات ووو وخلي لبسك بسيط وانيق مافيه تكلف ولا تكثرين مكياج عشان يكون التركيز على شعرك

زي الممثلات الاجنبيات اجسامهم حلوه بس مافي جمال بالخشه فتلاحظينها ماتهتم بوجها كثر ماتهتم بجسمها وتفاصيله

وبعكس الخليجيات عشان اجسامهم غلط وعيونهم كبار وملامحهم حلوه تلاحظينها بس تكب وتتفنن بهالمكايج ولبسهم دايم بايخ بس اهم شي انه ساتر على بلاويهن ودايم لو تلاحظون لبسهم جلابيات عشان تخفي معالم الشحوم خخخخخ

وشوفي هاليابانيات بس دايم دلع بشعورهم وعلى وجيهم يحطونها وساعدهم بعد اجسامهم حلو فتلاحظينها اليابانيه ماتفكر تحط مكياج الا شي بسيط جدا

صدقيني

زوجك مو مااعجبه لبسك والا شكلك بس انه من كثر عدم ثقتك حس انك موب حلوه

ودايم دايم دايم امدحي نفسك قدامه وقولي فلانه خطبتني وفلانه منجنه علي وفلان يقول فيني كذا وكذا<من محارمك يعني

وقبل اتزوج كان كلن منهبلن علي <<< لا تقولين ماراح يصدق

صدقيني الرجال زي الاطفال واذا كررتي عليه هالكلام بس مو دايم من فتره لفتره بيقتنع انك ملكة جمال حتى لوكنتي عاديه مره

اذكر بنت كانت تدرس معي وكانت قبيحه مره 0الخالق حسن0 وكانت اختي دايم تمدحها وتقول لي جميله وانا

منجنه منها اقول من وين تشوفين الجمال يعني كانت سمينه مره مره وكرشه وسمرا وبشرتها كلها حبوووب

وشعرها عكاريشش وهي مو مهتمه بنفسها ابد يعني حوسه شكلها وانهبل اذا قالت لي اختي انها جميله

المهم جلست معها مره وفعلا سوت لي غسيل مخ وحسيت انها جميله فعلاااااااااا

هي ماتقول انا حلوه وانا جميله بس تقول انه ولد خالتها خاطبها وانه يحبها مره وانه ينجن اذا شافها وتتكلم

عنه وعن حركاته الرومنسيه وانه يموت فيها ووو من هالكلام <<< طبعا اكتشفت بعدين انها تكذب

بس كانت تتكلم بطريقه جذابه مره وفيها دلع الين تخليك تبصمين بالعشره انها ملكة جمال خخخخخخ

جربو هالطريقه وادعووووولي بتشوفين زوجك لازق فيك ومايفارقك حتى لو ريحتك بصل خخخ

عاد اذا ذكرت شي ثاني ابضيفه

يلزم عليك تسجيل الدخول أولًا لكتابة تعليق.

تسجيل دخول

الواضحــةالصريحة • 16 سنة

مرمورة وشلونك ياقمر اشتقت لكم ولتجمعنا

جوانا777 • 16 سنة

ربماااااااااااااااا... بس اللي فيهاعيب لابد تعدله عشان ماينطبق عليها شين وقوة عين...ههههههههه

مُرالزمن • 16 سنة

الواضحــةالصريحة :

مرمورة وشلونك ياقمر اشتقت لكم ولتجمعنا

مرمورة وشلونك ياقمر اشتقت لكم ولتجمعنا

هلا بالقمر اسفرت وانورت

وشلونك انتي وشلون البيبي

؟؟

والله مره مشتاقه لكم

الله يسامح الي كان السبب :44:

مُرالزمن • 16 سنة

جوانا777 :

ربماااااااااااااااا... بس اللي فيهاعيب لابد تعدله عشان ماينطبق عليها شين وقوة عين...ههههههههه

ربماااااااااااااااا... بس اللي فيهاعيب لابد تعدله عشان ماينطبق عليها شين وقوة عين...ههههههههه

ايه صح تذكرت هالنقطه وزدت فوق بس اذا كان العيب فوق طاقتها ماتقدر تعدله ؟

مافي الا انها تقعنه بهالعيب وتقلبه ويصير ميزه لها

أشواق القلوب • 16 سنة

هههههههههههههههههه صراحة الموضوع حلو وفرفوش ، عجبتني سالفة البنت اللي كانت تكذب عن ولد خالتها ، مو لانها كذبت طبعا لا لانها عرفت تحول قبحها بعين الناس الى جمال ، انا اعرف وحدة مثلها جدا عادية لكن اسلوبها باللبس و المكياج تحسين ان نظرتها لنفسها انها جميلة فتخلي الناس غصب يقولون عنها جميلة ، طبعا هذي البنت اعرفها امها كل يوم تمدحها وتقولها انتي ماكو مثلك انا اشوف هالشي مو زين يصير بعدين مثل مرض نفسي لكن النتيجة جيدة بما انها قدرت تبرز جمالها .. و يسلمو عالموضوع :)