تتابعين مسلسلات / تسمعين أغاني / تعبتِ , صدرك ضآيق من حياتك .. تعآلي () ..

السلام عليكم و رحمه الله و بركاتة ..


صباحكم إيمان و راحة و طهر كما السماء الصآفية


موضوعي اليوم مثل ما يقولون من القلب للقلب
له كم يوم و هو يدور ببالي


:



موضوعي
عن حياتنا ككل .. عن عباداتنا عن علاقتها بربنا عن قلوووبنا


إحنا بشر و البشر مَ خلقوا معصومين عن الخطأ كلنا نتفق بهالشىء
بس بنفس الوقت مَ خلقوا عبث و هدر




الحين : لو تسألي أي طفل صغير ليش ربي
خلقنا بيقولك مباشرة عشان نعبده
و نفس الجواب راح يجاوبة العاقل المكلف ~


بس !!



هل احنا فهمنا و وعينا هالشىء ؟!
هل احنا واعين إننا مخلوقين عشان عبادة الله وحده و طاعته ؟!
الأغلب راح يقول نعم
طيب هل احنا طبقنا هالشىء ؟
هنا الإجابة راح تختلف



طيب عشآن نقيس هالشىء مثلاً :


_ قمتِ الصباح متأخرة جداً و فاتتك صلاة الفجر و راح تتأخري عن دوامك و تعاقبي على هالشىء
إش راح تقدمين دوامك أم صلاتك !!


قفي مع نفسك وقفة أيهما راح تقدمي .. و أيهما من أولوياتك !!







.. للأسف : كثير ما نغرق في بحر من المعاصي و يزين لنا
الشيطان المعاصي و يحببها لقلوبنا ..


و تدرون الشيطان يدخل لنا من أي مدخل يدخل
من مدخل إن العمر باقي لسى قدامنا طويل


و ربي يحبك و راح يختم لك بخاتمه حسنة و بعدين
كلها : أغنية , مسلسل , حش بالناس


يعني الله راح أدخل النار عشان هالشىء ؟!


يخلينا نشوف معاصينا صغييييرة مرة و مَ راح تؤثر .. و يهونها و هي
و ربي عند خالقنا عظييييمة
قال الله تعالى : (( و تحسبونه هينا وهو عند الله عظيم ))


و هالشىء من عظم أمرة كان من الأشياء اللي
وصى بها قبل موته في حجة الوداع
قال _ رسول الله صلى الله عليه و سلم _ : (( أيها الناس ...إن
الشيطان قد يئس
أن تعبد الأصنام في أرضكم هذه ، و لكنه سيرضى
منكم بدون ذلك ، بالمحقرات، وهي
الموبقات يوم القيامة .))
من خطبة حجة الوداع .رواية الطبراني .


و دايم حطي ببالك : لا صغيرة مع الإصرار.. ولا كبيرة مع الاستغفار






حبيبتي عشان مَ نتبع الشيطان و يغوينا فيه أمر واحد بس :


بس شىء واحد حطية ببالك و استشعريه دايم


و الله ثم الله ثم الله .. إنك راح تلاحظي تتغيير
و تغيير كبيرر في نفسك
و نفورك من المعاصي و إقبالك على الطاعات :


الشىء هذا إنك تحطين ببالك دايم


..................................... ( إن الله يراني )


بس هالشىء


فلما تجين بتسمعين اغاني تذكري إن الله الحين و إنتي بتضغطين عالزر
و بتركبين السماعات بإذنك الله عزوجل من فوق سابع سمآء يراك


الله اللي أنعم عليك بنعمة السمع و حرم غيييرك منها كثير يراك


هل هذا هو جزاء الإحسان !! هذا هو شكرك لربي ؟!
هل بهالطريقة تعاملين من أكرمك و نعمك و خلقك بأكرم صورة


بكل بساطة تعصينه ؟!


لما تساعدين وحدة بأزمة و مَ تشكرك عليه
لا و كمان لما تشوفك مَ تسلم عليك و لا كأنك
سويتي لها معروف يوم من الأيام


بصرآحة و بعيد عن المثالية


................... وش رده فعلك ؟!


لو تجيك يوم و تطلبك تسوي لها بتسوينه تتوقعين قلبك راح يخليك ؟
بتقولي : و الله مَ أساعدها


أجل تخيلي رب البشر .. و تظلين تسمعين و تسمعين و تسمعين
و الله ينظر لحالك و يرى .. مَ سلبك نعمتك يشوف كيف تشكرينه على عظيم فضلة ..


وكمان مع هذا تكون عندك أمور و مشاكل و ضيقة و تطلبين الله أن يفرجها
عليك و يفرجها ربي عليك مع عصيانك .. يَ الله .. مَ أعظمك يَ رب ..



طيب : ليش مَ نترك كل اللي يكره ربي .. حتى لو احنا نحب هالشىء ربي
اللي خلقني و يسر أموري و رزقني من الخير أكمله و دبر أموري مَ أقدر حتى اني
أترك اللي يكرهه ؟ و يعتبر هذا الشىء أقل شىء أعمله ..




:



.......................... استشعروا مراقبة الله لكم


و أروا الله من أنفسكم خير
استشعروا لذة الطاعة .. صلوا مو عشان
ترتاحوا انكم صليتوا و انتهيتوا
لأ
صلوا عشان ترتاحوا من مشاكلكم اعتبروا الصلاة هي العلاج السحري لقلوبكم
استشعروا كل آية تنطقونها لما تسجدين خذيها نصيحة
من لسان الشيخ عبدالمحسن الأحمد _ حفظة الله _
: ( لآ ترفعين .. لآ ترفعين )


لا ترفعين من سجودك ألا و إنتي مطلعة كل اللي
بقلبك .. احنا تعودنا نشكي لـ/بشر بس مَ تعودنا نشكي لـ/رب البشر


لا سجدتي فضفضي كل اللي بقلبك الله ادعي الله إن ييسر لك أمورك
ادعيه إن يفرج لك إن يجبب عبادته لقلبك
وأجزم إنك مَ راح ترفعين ألا ووتمنين إنك ترجعين و تسجدين


بنآت لها لذة عظيمة لآ يعلم بها ألا من ذاقها
آخر الليل قبل صلاة الفجر بنص ساعة روحي بمكان هادي و صلي لك ركعتين
بهدوء شيلي من بالك حياتك و كل شىء فيها مو زين و بس تخيلي روحك إن الله يراك و إن الجنة أمامك
صلي بروية ادعي ربك كثييير .. و راح تجدين رآحة و الله راح تخجلين بعدها إنك تعصين الله


:


هنا موقع للشيخ _ عبدالمحسن الأحمد _ حفظة الله :
http://www.abdelmohsen.com/
نصيحة من قلب يحبك : حاولِ تستمعي له يوم بعد يوم محاضرة وحده
و راح تلاحظي فرق كبير و كبير مرة بقلبك






أتمنى لي و لكم حيآة خالية من المعاصي حياة مليئة بالله و الله فقط


دارية طولت عليكم كثير و كثير $=


بس كان هالكلام البسيط بالقلب و حبيت إني أوصله لكم


في حفظ الله
منقووووول...