السلام عليكم ورحمة الله وبركاته
بصراحه اول شي ماكنت حابه أكتب هالموضوع لأني ماأحب أتشكى :06:
بس يابنات أنا موراضيه عن نفسي من هالناحية وأبي حل فعال ويجيب نتيجه معي
لأني بصراحه أحسب انه طبيعي بس بعد كلمت زوجي تو لي قعدت أفكر بتصرفاتي وحسيتني موب طبيعيه:06:
عاد بقولكم كككككككككل شي وأنتو احكمو وعلموني وش الحل؟
يابنات أنا خوافه بشكل مو طبيعي .. وأحس الخوف كل ماله يزيد ..
اول شي كنت أخاف من الطياره بشكل مو طبيعي لدرجه اذا ركبتها ارتبك واي مطبه هوائيه اسئل المضيفات واستغفرالله واكتئب ودايم كل ماجا وقت سفر احس اني اذا ركبت الطياره ماراح اوصل واذا وصلت ماراح أرجع
مدري ليه هالتفكير التشاؤمي مره يضايقني والله
ولان أهلي يحبون السفر ولابد من ركوب الطياره رحت لدكتور نفسي وقال عادي كثير يمرون بنفس حالتك وعطاني حبوب وقال قبل الرحله بساعتين خذي حبه وفعلا جا يوم رحلتنا وكلت الحبه كنا بنسافر ع الكويت ورحنا للمطار والله والله يابنات واحنا عند حق الشنط جتني حاله قلت ديني ودينكم ماأروح وحاولو فيني من هنا ومن هنا قلت والله مااروح جاني خوف مو طبيعي وفعلا مارحت واهلي راحو ومشاءالله انبسطو وفلوها وجو وانا اللي قعدت :16:
الموهم تزوجت قلت يمكن بعقل بعد الزواج الا بالعكس احس صرت اردى من اول ..
اذا زوجي راح للدوام اكلم امي على طول ترسلي واروح لبيت اهلي اقعد عندهم لين يرجع زوجي من الدوام
وعلى هالحال.. وقلت مايصير لازم اقعد ببيتي وفعلا قعدت ذاك اليوم بالبيت الله لايوريكم كل شوي اقوم اشيك على باب الشقه هو مسكر والا لا
وواناظر باب الصاله احس انه في حرامي بالبيت <= من وين بيدخل الله واعلم
وبرضو قلت يمكن اذا حملت وولدت ابعقل والحمدلله ربي انعم علي وحملت وجبت ولدي وهالخوف كل ماله يزيد علي
صرت اخاف من الاصانسير ومستحيل أركبه احس اذا ركبته بيعلق وبموت جوته
ودايم طقااق انا وزوجي عليه اذا مثلا رحنا سوق والا مستشفى والا اوتيل لابد نركبه عشان عربية الولد وعاد انا اقوله انت اركبه وانا بلحقكم مع الدرج وخذلك ياطقاق اركبي ماني راكبه الين انكد عليه اوم الطلعه
وصرت اخاف من السياره بالسفر واذا سافرنا انا وزوجي بالسياره اقلب الرحله نكد وطقاق ومهاوش لين نوصل
تعبببببببببببببببت والله يابنات مدري وش اسوي؟؟؟؟؟؟؟؟؟؟
عاد كنا ناوين نسافر بالسياره عنده شغل وانا اقرا واتصفح سمعت عن مثبت السرعه وغدره فبعض الاحيان كلمت زوجي قلت ترا هونت ماني برايحه وزعل وعصصصب
لان هو دايم بالسفر يحط مثبت السرعه وخفت منه صراحه
وادري والله ان الموت مقدر ومكتوب ومحد بيموت قبل يومه واللي ربي كاتبه هو اللي بيصير بس شسوي من هالخوف اللي تملكني
لا ومستحيل أنام وباب الغرفه مسكر واقوم اخر الليل اشيك ع البيت اشوف الفرن والاسلاك
عاد قبل شوي كنت قاعده بصالتي وسمعت صوت شي كأنه طاح والله يابنات اني احس رجولي تجمدت معد قدرت اتحرك وشوي يوم هديت رحت اشوف الا صوت الكاس اللي بالمجلى <= بس الخوف جاب ميه فكره براسي
وشيكت على الشقه كلها مافي شي الحمدلله وللحين خايفه .. عاد دقيت على زوجي اقوله قال يختي خلاص فكينا ترا انتي من جد موسوسه بتجيبن لنفسك الضغط والأعصاب وترا جبتي لي التوتر:06:
ضاق صدري حسيته صادق بكلامه وماألومه والله أحس كرهته بعيشته
وربي يابنات موب بكيفي ........ وهذا كوم وتفكيري بالموت كوم ثاني
واخاف من جميع الحيوانات
وانا الحمدلله محافظه على صلواتي وحجابي صح اني موب ملتزمه بس محافظه ولله الحمد
والمشكله اني ماكنت كذا كنت عايشه حياتي وفالتها وكنت احب السفر والوناسه مدري وش اللي غيرني ..
الحل يابنات .......
مع أنه الحمدلله طفولتي ومراهقتي كانت من أروع مايكون مشاءالله تبارك الله ولله الحمد
مدري هالخوف من وين جاني
وتتوقعون في احد زيي والا انا حاله خاصه
أم سعـوود @am_saaood_11
عضوة جديدة
يلزم عليك تسجيل الدخول أولًا لكتابة تعليق.
ياقلبي أنت تشتكين من الوسواس القهري لازمك علاج نفسي وعلاج سلوكي ولازم تواجهين مخاوفك ماتترددين وما تستسلمين للأفكار الوسواسيه صح بتحسين بقلق و تتعبين وتتوترين بس ترتاحين بالنهايه مالك حل إلا المواجهه الله يشفيك ويعافيك ويكشف ضرك وضر كل مسلم ومسلمه يارب
خخ مثل اممي حارمتنا من اشياء كثيره بسبب هالخووف
تعوذي من ابليس وخلي عنك هالوساويس
تعوذي من ابليس وخلي عنك هالوساويس
ياقلبي أنت تشتكين من الوسواس القهري لازمك علاج نفسي وعلاج سلوكي ولازم تواجهين مخاوفك ماتترددين وما تستسلمين للأفكار الوسواسيه صح بتحسين بقلق و تتعبين وتتوترين بس ترتاحين بالنهايه مالك حل إلا المواجهه الله يشفيك ويعافيك ويكشف ضرك وضر كل مسلم ومسلمه ياربياقلبي أنت تشتكين من الوسواس القهري لازمك علاج نفسي وعلاج سلوكي ولازم تواجهين مخاوفك ماتترددين...
يممممممه لهالدرجه:(
الله يشفيك يااااارب
شفت نماذج مثل حالتك بس انتي تقدرين تتحركين اللي اعرفها حتى الحمام ... اعزكم الله ماتقدر تروحله الا وزوجها معاها وفاتحه الباب
شفت نماذج مثل حالتك بس انتي تقدرين تتحركين اللي اعرفها حتى الحمام ... اعزكم الله ماتقدر تروحله الا وزوجها معاها وفاتحه الباب
الصفحة الأخيرة
والله بصرااحه كانك تتكلمي عني انا مو بس اخاااف الا مجنووونة خوووف والله اخاف اجن من هالحاله النفسيه اللي عندي
ياليت نحصل لها علااج وعن الموووت ياالله كل افكااري بالمووت والله وانا جالسه احس راسي يهتز من الخوف
اهم شي انتي حبيبتي حصني نفسك وماعليك ششر ياااارب الله يشفيك ويشفيني