تتوقعون فيها خيانة؟

صباح الخير شلونكم حلوااااات


مادري شلون ابتدي .. الصراحة انا اكتب وامسح مترددة اني اعرض الموضوع من اساسه لولا اني اعتبركم مثل اخوات لي وادري اني بستفيد من ردودكم

مادري ليش احس اني متفشلة اقول بس انا شاكة ان فيه موضوع خيانة من زوجي بالرغم من اني اشوف انه يحبني موت والحمدالله مو مقصرمعاي بشي .. اي شي ابيه يسويه لي ويعطيني ومايخلي بخاطري شي حتى لو الحين مايقدر يسويه بعد فترة لما يستطيع يسويه.

السالفة ومافيها ... ابتدت على الموبايل ماله ... قبل كان 24 ساعه موبايله بيدي وعادي ادخل اشوف المسجات وسجل المكالمات والصور والفيديو والرنات وكل شي عادي ماكان يقول لي اي شي..وبالمقابل هو كان يعبث بتلفوني اذا فيه عندي رنات جديدة او شي حلو يطرشه له


يعني الحال واحد وما اختلفنا والثقة موجودة ... بس بعد فترة قام مايمسك تلفوني ومايرضى امسك تلفوني كان ياخذه من يدي اذا امسكه يقول لي انا لازم تكون لي خصوصيات يعني الشباب يطرشون لي مسجات ولا كلام بينا وبين بعض مو حلوة انتي تقرينه وبالمثل انا بعد المفروض ما امسك تلفونج لان شفت ان فيه كلام لازم ما اقراه من صديقاتج يطرشون لج فعيب علي اني اقراه . . واذا امسك تلفونه يهاوشني لا تعبثين بتلفوني ولما اقول له انت تمسك تلفوني عادي ما اقولك شي يرد علي يقول لي انا كنت غلطان وحسيت بغلطي والحين ما اسويها

وبس .... منها صار مايرضى امسك تلفونه ولا يقرب من تلفوني حتى


انا هني ابليس قام يلعب بمخي فكرة توديني وفكرة تجيبني يعني وش غيره قبل عادي شمعنه الحين صار مايرضى والحين حس بغلطه على قولته توقعت في تلفونه فيه اشياء من جذي مايبيني امسك التلفون حقه

والصراحة ولو اني استحي من نفسي اني اقول هالكلام بس كنت اذا اقدر امسك تلفونه بغيابه اشوف المسجات والسجل ... اول فترة كان عادي

وبعدين لاحظت ان سجل المكالمات دايم ممسوح والرسائل نفس الشي والتقارير نفس الشي

مايخليها دايم يمسح السجل وكأن التلفون ماصار فيه مكالمات !!!!!!!؟؟؟؟؟؟؟؟
وهو بطبيعة شغله بعد التلفون مايسكت من المكالمات مالت الشغل


استغربت يعني ليش بيمسح السجل ( هني انا زاد الشك فيني )

المهم عدت الايام .. وماشفت شي ذاك الزود يعني كل شي عادي

من يومين كان راجع من سفرة عمل مدتها اسبوع

اليوم الصبح مادري وش الي خلاني اروح امسك تلفونه وشفت سجل المكالمات كالعادة ممسوح والمسجات الصادرة مثل الشي بس لاحظت بالتقارير فيه تقرير واحد مو ممسوح ( مريم ****) اسم البنت واسم المنطقة الي كان مسافر فيها لعمل

دخلت على التفاصيل شفت ان الرقم بحريني ليش مسجل اسم البنت بأسم المنطقة الي مسافر فيها
وبالاساس ليش مطرش لها مسج ؟؟ وش مضمووونه؟؟
_______________________


وهو طبيعة عمله مافيه تعامل مع بنات والشغلة الي رايح لها كلها بالمصانع والآلات يعني مافي شي له علاقة ببنات
والي مزيد الشك فيني انه مايحب يطرش مسجات لاحد ولا عمري شفته يكتب مسج بس يطرش لي انا وتلفونه مافيه الا مسجاتي انا


وبس شفت التقرير هذا وانا راسي داير وابي اعرف من هالبنت هذي

افكر اتصل فيها واشوفها من هي :06:

وبنفس الوقت ما اقدر افاتحه بالموضوع عشان لايقول اني عبثت بتلفونه وبعدها يحاسب لتلفونه بزياده

ابي اكتشف من هالانسانة هذي وليش مطرش لها مسج وشنو كاتب بالمسج

وش تنصحوني يا بنات احس اني ضايعة واول مرة يصيدني هالشي وخايفة


_______________


انا احب زوجي وايد والي اشوفه منه انه يموت فيني
:06: