ظلع @thlaa

محررة برونزية

تتوقعون وش السبب في هذا التحول

مساء الخير
انا ملاحظه شي في بعض الناس ولا ادري وش السبب اظرب لكم مثال حتى تتضح الصوره انك اذا كنت عاطله ما توظفتي بدئو يسئلونك ما توظفتي متى تتوظفين ياليت تلقين وظيفه او اذا ما انقبلتي بلجامعه بدئو ليش ما ليش سجلي قولي لا تيئسين ادرسي عن بعد او انتساب واذا ما تزوجتي او ما حملتي ليش وما ليش شوفي الطبيب الفلاني والعلاني يعني بختصار كنك شغلهم الشاغل ويهتمون فيك ويحزنون من اجلك لكن اذا

فتح الله عليك وتوظفتي او انقبلتي بلجامعه او انخطبتي او حملتي بعد عقم هولا الي كانو مشغولين فيك حتى كلمت مبروك ما قالولك ابعد بعيد يبارك لك الا هم ولا يعلقون ولا يشاركونك ولا حتى ابتسامه ولا يسئلونك ولا نص سوال ويسوون انفسهم ما سمعو وين ذاك الاهتمام منهم وذيك الموال والاسئلهم وحزنهم وتعاطفهم معك يوم كنتي فاقده هذاك الشي ويوم ربي اكرمك وحصلتي عليه انقلبو لشخصيه ثانيه صارو رسميين معك انا ابي اعرف وش السبب في هذا التحول والانقلاب انا استبعد انهم حاقدين لو كانو حاقدين كان ما اهتمو فيك يوم كنتي فاقده ذالك الشي وكانو حزنانين عليك كان يكونو بلعكس مبسوطين انك ما حصلتي على الي تبينه اذا وش السبب الي خلاهم كذا ومن حصل لها مثل هذا الشي

يلزم عليك تسجيل الدخول أولًا لكتابة تعليق.

تسجيل دخول

احلا بنت فديتني • 12 سنة

لا تعليق
ما اقول الا استغفر الله العلي العظيم

غالية صلاح الدين • 12 سنة

يمكن يخافون تقول الوحدة عنهم حسوودة البعض فقط

اما الباقي فضول او تتبع اخبار او مجرد احاديث واخذ وعطى

سجى الروح 24 • 12 سنة

اي والله انك صاااااااااااااااااااااااااااااااادقه مو حب لما يسألووووووووووووووووون لقافه وحشرة خشم
واذا انعم عليك غيرررررررررررررررررره وحسد وانسدت لقافتهم الله يكفينا شررهم بس

هدى 2012 • 12 سنة

صدقتي أنا سوال الوظيفه صار يسبب لي ازمه نفسيه مع انه اذا توظفت الكل بيدري لكن شغالين تعقيد سبحان الله

قلب منكسر • 12 سنة

ياربي لك الحمد الي ماحد يتدخل بحياة أحد
كل واحد عايش حياته
ممكن ندعي لبعض في ظهر الغيب
وممكن نقول للأخت الي بيعاني من مشكله لوحده مو قدام الناس مثلا لو دكتور لو شي
وبالأخير أنتي الي تحطي لناس حدود