تجاربكم مع التعامل للوضع المادي بالحياة الزوجية

اول ماتزوجت كان راتب زوجي بهالحدود وجهزت للبيبي وجبت للنفاش وعملت بوفيه مفتوح على الاسبوع والحمدلله ولو ماعملت شي ماكان زعلت لاتفكري بهالشغلات تتيسر من عند الله ولاتحطي ان لو نقص شي كارثه اصلا على ال40 تندمي على كل هالمصاريف البيبي بسرعه يكبر وانتي سرير النفاس بس اسبوع وفلوس طارت

والله صراحه انا مدري ليش تتكلفون استقبال وضيافه ودنيا ع ايش خلي الفلوس لك وللبيبي وزوجك اولى من هالخساير
الله يعين بس ع هالعادات اللي مالها معنى

انا تزوجت وكان راتب زوجي 4500وكان 1500منه قسط للبنك و1000اجار غير فواتير الكهربا وابوه الله يرحمه كان بين فتره وفتره يتصل يبغى منه فلوس
كنت ماقدر اشتري عطر الا بين فتره وفتره والملابس في الاعياد ومثل صيفيه او شتويه وصبرت وتحملت الضروف وماكنت اطالبه بشي فوق طاقته وهو ماكان يخبي علي شي
والحمدلله عدت والحين راتبه وصل 11500ونقلنا منطقه قريبه من اهلنا بعد ماكنا نقطع1400كيلو اذا بنروح عندهم ورغم ان 3700اقساط للبنك و1600اجار وصار عندنا 4اولاد لكن الحمدلله زوجي مو مقصر يحاول مايحرمنا من شي واثثت بيتي اثاث حلو وبنينا بيت في منطقتنا وشرينا سياره عائليه جديده والحمدلله والشكر على نعمه اللتي لاتعد ولا تحصى
اذا الوحده عارفه ضروف زوجها تصبر وربي ماراح يضيع لها تعب وبيجي اليوم اللي بيعوضها فيه

الله يفرج عليك وعلى جميع المسلمين



الاغلبيه مرو في هذا الوضع




الله يصب عليك وعلينا الارزاق صبا

ويرزقك الوالده السهل والذريه الصالحه الباره




بس انصح من الحين جمعي فلوسك لزمن اضمن لك بحصاله أو مكان مايعلم فيه الا الله وانتي للزمن ولا تقولين لحد

والله بتحسفين على البهرجه




مادام راتب زوجك قليل ولا عندك وظيفه





وعتمدي على كل شي بسيط ومو مكلف لان البيبي بيكبر بسرعه




الاقارب اغلبهم بجيب هدايا ولا ضيافه




اهم شي خلي عندك نوع حلو ونوع مالح




والله يسهل امرك

ياحبيبتي خلي فلوسك لك ولولدك وليش ضيافه وخرابيط الناس عيونها فارغه اشتري لولدك الاشياء الضروريه كم لبسه لاتشترين كثير ترى النوانو يكبرون بسرعه واشتري لك بجايم مو غاليه اهم شي شكلها مرتب وروبين استقبال بكرة لصرتي نفاس تحتاجين دويات وكريمات ومستشفى ماتلقين وزوجك ماعنده بتقولين ياليت ماجبت الشي الفلاني والا حطيت الشي الفلاني بس عشان الناس يقولون فلانه حطت وفلانه سوت
والله اني رحت وحده والده تعتبر مبسوطه ماديا وهي موظفه وراتبها عالي ماشاء الله وزوجها كذالك وبنفسي اقول وش بتحط بنفاسها والله يوم دخلت عادي مهي حاطه ولاشي سرير لها ولولدها بس وحلا من البيت وقهوه وشاهي بس لابالونات ولاتوزيعات ولاخرابيط مالها داعي مو بخل منها اعرفها تدلع نفسها لابسه لبس حلو ومرتب وولدها كمان لبسه مرتب مافي بهرجه ولا يحزنون