تجاربي,,في عالم التجميـــل.. ادخلوا ما تندمــــوا

السلام عليكم ورحمة الله
كيفكم خواتي...؟

انا دايم احب اطرح مواضيع من واقع تجربة ولا احب انقل عن احد ولذلك خصيتكن يا بنات عالم حواء بهذا الموضوع اللي ان شاء الله بيفيدكم وما ابي الا دعواتكن

<<< اظني مصختهاا


اخش بمويضيعي دوغري ولا وش رايكم؟؟؟؟؟
المهم... الموضوع يخص المقبلات على الزواج والبنيات المهتمات بجمالهن على حد سواء...
فمن خبرتي الطويله بمجال التجميل <<< لا ياشيخه
حبيت اطرح بعض النقاط المهمه <<<< واخيرا

1- أفيد شئ جربته للبشره هو الليمون .. طبعا للي بشرتها ماهي حساسه ولا فيها تسلخات وحبوب مفتحه
قبل المناسبه بيوم او يومين خلي الليمون شغلك الشاغل<< يا كافي الله لا يشغلنا الا بطاعته .
يعني كل ما افتكرتي افركي وجهك بليمونه وخليها 10 دقايق واغسليها وحطي مرطبك

2- أفيد شئ للشعر وذو مفعول سريع البردقان= البرتقال اعصري نص برتقاله وحطي عليها زيتك المفضل ( زيتون –لوز-خروع-نارجين .... الخ) ووزعيها على شعرك ... وعلى فكره انا كنت احط البرتقال لوحده بدون زيت وكان يعطيني نتيجه روووووعه .. خليه على شعرك ساعه .. ساعتين .. يوم ..يومين.. شهر .. شهرين <<< وبعدين معك
المهم بعد ما تغسلين شعرك شوفي النعومه واللمعان واستمري وراح تجدي فايده عظيمه

3-والشئ الثالث مجربته بس بصراحه ما اعطى نتيجه الا بعد شهر تقريبا بس لا تيأسون وهو:
( زيت لوز+ جليسرين+ ليمون) حطيها بعلبه صغيره حقت غسول او كريم او اي عبوه فارغه عندك وكل ليله قبل النوم دهني يدينك فيها والبسي قفازات قماش مو بلاستيك ونامي واذا صحيتي شوووووفي النعومه من اول ليله بس البياض صراحه بعد شهر تقريبا بين معي قسم انه مفاصل اصابعي صارت زي الزبده مع ان بشرتي حنطيه لكن يدي صارت جبنه<<< جبنه .. زبده.. شكلها جوعانه والله الكل لاحظ الفرق وصرت يوم احط يدي جنب وجهي اتفشل << لايكثر

4-الشئ الرابع مفيد بس .....(اقتصاديا) كيييييييييييييييف؟؟
اشتريتي أساس وجربتيه وصار وجهك تقل عليه تراب الله يكرمكن
او شريتي اساس وطلع فاااااااتح مرره او غامق .. بالمختصر الاساس ما عجبك لا ترميه
خذي عينه بسيطه بعلبه صغيره واضيفي عليها التالي حسب علة الاساس:
· الاساس جاف وقشر وجهك==== حطي عليه مرطب دهني شوي
· الاساس غامق ==== حطي معه اساس فاتح ومرطب كلين كلير اللي فيه واقي ولونه ابيض
· الاساس فاتح بالمره==== حطي معه بودره برونزيه او اساس غامق
المهم كل وحده وحسب مشكلتها مع اساسها بس انا كل ما اخذت اساس توهقت به واحد غامق مره وواحد فاتح مره وعندي بعد بودرة فاتحه مره والله واقوم في ذيك الليله واخلط الغامق عالفاتح واحط معهم بودرة ومرطب<< يعني يعني 3 في 1 بس والله خيااااال
وممكن كمان تخلطين كل الاساسات والبودرات واللماعات والمرطبات وخافيات العيوب مع بعض وتخلينها اساس لجسمك بالمناسبات


5- خلي دايما على تسريحتك قارورة ماء الورد وبعد ماتزيلين الماكياج اعطي وجهك مسحه بها والله انتعاش لا يقاوم ويفضل لو تكون بارده يعني في الثلاجه شئئئئئئئئئئئ يهبل ودايم امسحي وجهك بها ليل وصبح ..

معلومه للفايده// ترا بشرتي مختلطه خدودي جافه وخشمي وجبهتي دهنيه وذقنتي عاديه
عشان لا وحده تقول جربت وخربت بشرتي من الليمون اللي بشرتهم حساسه لا يحطون الليمون و لايخلطون اساسات يمكن ما تناسبهم .. موذنبي. لا احد يدعي علي اتفقنا..

اتمنى انكن استفدوا من تجاربي هي يمكن مكررة بس محد جربها زيي << واثقه


مع تمنياتي لكم ببشره ناعمه خاليه من العيوب وشعر كشعر الاسيويات
واي سؤال انا حاضره