كوبونات الراقية تسجيل الدخول

قهوة حريم

قهوة حريم @kho_hrym

محررة برونزية

تجارب زوجية .....1-2-3-4- ( وصلني عبر الايميل )

الأسرة والمجتمع •

السلام عليكم ورحمة الله وبركاتة



هذه تجارب زوجه وبنزلها على شكل مواضيع منفصله..
وعساها تكون مفيده للباحثين عن السعاده الزوجيه

انا نوره زوجه و ربه بيت وام لطفلين...وضعي زي وضع اي زوجه نقوم الفجر نصللي وبعدها نستعد للمدارس... يروحون واقعد انا بالبيت طبعا ارجع انام
طبعا زي كل الحريم عندي عامله منزليه وتطبخ وطبخها يحلف به.... يعني ناسيه الطبخ من زمان اقوم قبل لايجون عيالي وابوهم من الدوام.... نتغدى ونبدا بالدروس والمذاكره ولعنة الجدف احفظ لاتحفظ...
الساعه 7 ينامون وراهم مدارس...
واقعد انا وابونا لين 11 الليل ونسري.......... وهكذا كل يوم على هذا الحال
مليت
زهقت
حاسه ببرود
طفش
وتاليتها!!
اخذني الخيال لبعيد... تخيلت اني مع رجل جديد وحياة جديده
كيف رح تكون حياتي؟
هل هي نفس هذي الحياة الممله؟
...لا لازم اتجنب بعض الاشياء اللي سببت لي هذى الملل
وابتديت احط الافكار والخطط على اني فعلا في حياة جديده وابيها تدوم... غيرت غرفه نومي (يعني غيرت وضعها) اشتريت مفارش جديده وتكثر فيها الدنتيلات.... شريت شموع ملونه وروائح مختلفه.... وطبعا الاهم قمصان النوم وملابس البيت اهتميت فيها لدرجه حسيت بسعاده وانا اشتريها وفرح.... قصيت شعري وصبغته يعني غيرت نفسي وغيرت وضعي للحياة اللي بخيالي فقط!!
ويوم خلصت كني بديت اصحى شوي قلت لمين هذا كله؟
ليه ما الامس ارض الواقع واعيشه مع زوجي ونستمتع مع بعض...وبعدين جا وجه زوجي بخيالي وهو يقول : يووووه وش انتي مسويه وشوله كل هذي الحوسه ترى كله واحد..وانا اموت من حكايه ترى كله واحد... لا... الحياه الزوجيه مو واحد كلها اثنين..... قلت بيني وبين نفسي والله لو يقولها لايكون نهايه مابيني وبينه خلاص لازم نعيش وننتعش شوي.
كان يوم اربعاء قلت ماراح اطلع ابي اجلس في البيت جلست واستعديت وصلحت كلشي كاني عروس جديده
طبعا هو مادخل قبل 1 بالليل زي اي مواطن سعودي
نثرت له الورد من باب البيت لين باب غرفه النوم ومن داخل البيت طفيت الانوار وخليته يمشي على نور الشموع لين باب الغرفه... المهم دخل وطبعا انا راصه ضلوعي لا يقول وش انتي مهبله بعمرك....حالفه لاذبحه..بس اشوى نظر لي نظرات حنونه وسعيده وممنونه للي سويته من تغيير في حياتنا...

لا تستسهلون التغيير في الحياه الزوجيه
والله حتى لو كانت كنبه صغيره شيليها من هنا وحطيها هناك تحسين بتغير وتجدد
وانتو يالرجال.. لاتقللون من الجهد اللي تبذله المرأه لكم لاجل اسعادكم لانكم تحطمونها وانتو ماتدرون





انتظروووووووووووووووووووووووووني





32
3K

يلزم عليك تسجيل الدخول أولًا لكتابة تعليق.

تسجيل دخول

nmnm21
nmnm21 •
كملي يله حلوووو موزوعك ههههه يله عطينا باقي الايميل
** سمراء **
** سمراء ** •
حلووووووو
كملي مررررره روعه.....
في الإنتظار
nor^_^
nor^_^ •
كملي متابعينك :)
more
more •
فى الأنتظار
قهوة حريم
قهوة حريم •
nor^_^ nor^_^ :
كملي متابعينك :)
كملي متابعينك :)
(2)


اطلع برااا


لاتدخل غرفتي
ماابي اكلمك...... براااا



هذي حالتي من يومين!!


تعبانه بجد وطهقانه بجد
كلشي زي ماهو.... غيرت البيت.... غيرت ملابسي..... غيرت مفارشي.... فتره ورجعت لي حاله الملل!!
اف ايش هذا الزهق؟
ليه كذا ؟
هل هذا يرجع الى عدم الحب!! هل انا في الحقيقه مااحبك؟...... هل انت من داخلك ماتحبني؟..... وعايشين بالبركه!!!.... او وشو؟؟......... ليه هذي الحاله تتكرر علينا من تعدينا ال10 سنوات زواج؟؟....... وش المطلوب؟...... وش المفروض نسويه؟؟.......
تعبت والله تعبت ومليت..
هذا كلامي اللي قلته لزوجي بندر ماخليته بخاطري قلته له وشرحتله احاسيسي ....




طق طق طق


يوه يابندر ماابي افتح..
طق طق
قلت خليني لحالي ماابي اشوف ولا اكلم احد



قال:انا مو بندر انا احمد!!


قلت: وشو من احمد<<<< قلت الله يخلف الرجال انهبل


قمت وقتحت الباب وبشوف السالفه...... لقيت بندر لابس جينز لو ويست وتي شيرت ضيق والشعر فيه جل!!


صحيح شكله صار ولد حليوه....... واكتشفت ان زوجي مهوب سهل........ اتاريه يشبه اللي يطلعون بالتلفزيون!!
وقفت اتامل........
وقلت: وش سالفه احمد؟
قال: ايه انا الليله احمد..... واحد غريب عنك ماتعرفينه..... وانتي بعد الليله بتكونين سحر مو نوره .....



تصدقون عجبتني الفكره...طرت واخذت دش وطقيت الميني جيب وتي شيرت قصير بطني صار مكشوف.......


وسوينا ذيك الليله فديو كليب....طقيتت روبي بصبع


قمت الصبح وانا حاسه فعلا اني جديده


انسانه ثانيه...... نشيطه ومقبله على الحياة
جربوها ....بتدعون لي




هاه وشرايكم