تجربة حديثة ٢٠١٤لولادة في مستشفى النساء والاطفال ف الدمام

السلام عليكم
هذي بنت جارتي كنت كتبت عنها موضوع انو حسبة الدكتور ب السونار رجعها اسبوعين وانها نفسيتها تعبااانة
المهم ولله الحمد ولدت يوم الخميس تاريخ ٢٤ /٦ /١٤٣٥ ....24-4-2014
تعمدت كتابة التاريخ لمن يبي تجربة حديثة في مستشفى الدمام للنساء والاطفال ....
المهم فجر الخميس الساعه تقريبا اثنين ونص انفك عليها الماء وماكانت عارفة انه من علامات الولاده وانتظرت الى الساعه اربع وبعدين بدا الالم وكان شديد وراحت وصحت امها وبلغتها وكاانت تعبااانة. كان الطلق كل ثلاث دقايق ومشو للمستشفى وصلو للطوارئي الساعه خمس الفجر وكان مافيه احد الا هي واهتمو الطاقم الي تحت بيها وكانو سريعين جدا لانها كانت تتالم جدا وكشفت الدكتورة قالت من ستة الى سبعة سانتي وعلى طول راح ابوها يخلص اجراات الدخول وهم طلعوها فوق ع الساعه خمس وعشرين دقيقه واهتمو فيها الي في قسم التوليد كان معها قابله طول الوقت وكشفت عليها لما طلعت فوق قالت لها تسعه وطلبت البنت مسكينة مسكن ومارضو ابدا ابدا ..قالو خلاص انت تسعه سنتي. وسبحان الله ربي سهل عليها وسو. لها التنفيس وولدت بسلامة هي وبيبيها وخلوها ع نفس السرير بعد ماخيطتها الدكتورة ساعتين ونص واصرت عليها القابله الا انها لازم تاكل وتدخل الحمام ثم تطلعها فوق ..وفعلا اكلت لقمتين ودخلتها الحمام ثم طلعتها فوق .........
وللاسف كان آخر علمها بالوجية الودوده الطيبه ... الطاقم الي فوق غير متعاونين ابدا ومهملين ولا يلبون الندا الا نادرا ولا يشيلون البيبي الا وقت الزياره ومن شدة اعيااها هبطت عندها دقات القلب وساعتها حنو عليها وشالو البيبي منها ترتاح وتنام شوي بس ماخلوها لانهم كانو كل شوي يدخلون يفحصونها الى الفجر ...وعدت الكم ساعه بسلام وبعدين جاوها الظهر وشيكو عليها ولقو كل شي تمام وقالو خروج ...وخرجت ....وهي كارهة المستشفى والممرضات كلهم