مرحبا بنات حوا
بغيت اسألكم ...انتم ما مليتوا ..ما مليتوا من الجلسة قدام منتدى السمنة والنحافة ..الى متى؟؟؟؟
يوم نجرب رجيم تفاح ويوم نجرب رجيم دشتي ويوم نجرب كيميائي ويوم زبادي وووووووووو ..خلااااااص ملينا بجد ومعظم الي ينقص بسبب هالرجيمات هو نزول مؤقت فرحته ما تستمر اكثر من شهر هذا اذا ما زاد بمجرد الرجوع لطبيعة الاكل السابقة
عزيزاتي تلاحظون شي دايما ان اي شي يكون هدفك فيه لبعيد هو الشي الي يدوم يعني مثلا لو كنتي بتنجحين بامتحان عشان تغيضين احد معين او لشي مؤقت ماراح يكون نجاحك هذا مستمر لانه راح يغيب بغياب السبب لو انك بتنظفين بيتك بس عشان بيجيك ضيوف راح يرجع بيتك وسخ لان الضيوف راحوا واختفا السبب الي من اجله نظفتي البيت
لكن لو كان هدفك النجاح باستمرار والوصول لهدف بعيد كالوصول لوظيفه تحلمين فيها او تحقيق امنيه قديمه راح يستمر نجاحك فترات طويلة ولو كان هدفك ان بيتك يكون نظيف باستمرار وان تعيشي في بيئة نظيفة وتزيلين الكسل عن اكتافك وتعزمين على حياة جديدة خالية من الكسل مليئة بالنشاط والنظام والترتيب راح تتأقلمي مع الوضع الجديد وراح تلاقي انك صنعتي جدول و بحثتي عن كل الطرق الي تساعدك للوصول لهدفك
لذلك الحلول المؤقته ليست ذات فائدة ترجى وكذلك الرجيمات المؤقته
وعشان كذا خلاااااص انفضي من راسك الرجيمات المؤقته خلااااص بطلي البحث عن الحلول السريعه الممله والمتعبه نفسيا وجسديا لاحظت شي وانتم اكيد لاحظتوه فترة الرجيمات المؤقته هي اكثر فترة تشعرين فيها بالاكتئاب والنفسيه تصير عدم وخمول ومالك خلق تقابلين احد هذا غير انك تشيلين هم لو احد عزمك لانك بتخافين من اي لقمه تدخل فمك انها تسوي لك مشكله وتخرب الي سويتيه وهذا يسبب ضغط نفسي كبير وبالتالي مرت ايام من حياتك مليئة بالنكد والهم والغم و نسيتي طعم السعادة والفرح على امل انك تنحفين وترجع البسمة من جديد ولكن هيهات لان معظمنا صعب يقاوم فترة طويلة مع هالنوع من الرجيمات وبالتالي نرجع لدوامة الشره من جديد والانتقام من الاكل لدرجة انا احيانا نأكل حتى بدون ان نشعر بالجوع لاننا بفترة الحرمان كان المطبخ ينادينا المكرونة تنادي والشوكولاته تنادي و كل شي ينادي ..
عموما الكلام طال وانا الي خلاني اصحى واعرف ان احنا بنعاند انفسنا ولالالالازم نستسلم للحقيقة الي الكل اكدها واولهم الاطباء واكبر دليل هو التجارب الحية مو مجرد كلام لا تجارب واقعيه اثبتت صحة هالكلام وان بالنهاية مالنا حل الا ان نثقف انفسنا ونوازن بالحياة ويكون لنا اهداف بعيدة المدى للحصول على جسم رشيق مو عشان عزومة فريبه ولا عشان اغيض وحده تقرب لي والا عشان الصيف قرب لالالا خلي اهدافك بعيدة حطي في بالك انك راح تغيرين كل الملابس الي بدولابك للابد لسايز سمول وحيكون هالشي ع طول حطي في بالك انك نفسك تباني بسن صغيرة وتقدري تلعبي وتجري مع اطفالك او اخوانك حطي في بالك انك لما تصيري امرأة كبيرةبالسن حيكونوا اولادك فخورين فيك وكذلك احفادك بتكوني امرأة خفيفية الجسم رشيقة مو تكوني عبء وعالة عليهم من طبيب لطبيب بسبب الام الركب والمفاصل والظهر و كل هذا بسبب ثقل الوزن
وع فكرة انا راح اوريكم تجربة حية لممثلة اميركيه ومطربة كانت بدينة جدا مع انها صغيرة بالسن لكن بسرعه لحقت نفسها واتبعت رجيم النقاط والرياضه المناسبة ومادخلت بدوامة الرجيمات السريعة وفعلا وصلت لهدفها الي تبيه واعتقد ما كانت تحلم ان تملك هذا الجسم بيوم من الايام لكن الارادة القوية لايقف بوجهها شيء ابدا ابدا ومع الاصرار راح تبحثي عن كل الطرق الي توصلك لهدفك وعقلك وقلبك راح يدلك عليها بالتأكيد..ع فكرة اهم شي عشان تتغيري هي الرياضه لا تقولي مشيت ساعه وبس لا هذي كانت تمشي ع السير وتلعب نط الحبل ولعبت الباسكت بول وغيره وغيره ..انا ما اقلك اهلكي نفسك بس لازم نتحرك اتوقع ما في اسهل من نط الحبل ولو كان بشقه صغيره ومافي اسهل من المشي ع السير او بالهواء الطلق ومافي احلا من الاوربترك ومعظمنا يمتلكها..شفتي كيف ان الحلول بسيطة و ممتعه
اخليكم مع الصور
الصوره مخالفه يرجئ تضليلها
الصوره مخالفه يرجئ تضليلها
حلاها مبتليها @hlaha_mbtlyha
محررة برونزية
يلزم عليك تسجيل الدخول أولًا لكتابة تعليق.
XرهوفهX
•
كلامك على راسي والله من جد الثقافه بحر
XرهوفهX :
كلامك على راسي والله من جد الثقافه بحركلامك على راسي والله من جد الثقافه بحر
كلام كبييييير
يعطيك العافيه
يعطيك العافيه
كلامك صح
لاكن انا مثلا من النوع اللي مااعرف اخفف واعرف نفسي لازم ريجيم صارم علشاان شهيتي تتادب
مستحيل اجلس عالسفره واكتفي بخمس او ست لقمات اذا حطيت يدي خلاص مااعرف ارفعها
واذا اكلت بنتي الصغيره شي وقالت ماابيه اكلته اناا
علشاان كذا ابدا بريجيم صاارم واذا تعود بطني علا الاكل القليل ابدااا اخفف
ادعووولي انزل وزني من غير شر
لاكن انا مثلا من النوع اللي مااعرف اخفف واعرف نفسي لازم ريجيم صارم علشاان شهيتي تتادب
مستحيل اجلس عالسفره واكتفي بخمس او ست لقمات اذا حطيت يدي خلاص مااعرف ارفعها
واذا اكلت بنتي الصغيره شي وقالت ماابيه اكلته اناا
علشاان كذا ابدا بريجيم صاارم واذا تعود بطني علا الاكل القليل ابدااا اخفف
ادعووولي انزل وزني من غير شر
الصفحة الأخيرة