تجربة خروع فاشله..ادخلي وادعيلي

السلام عليكم

كيف الكروشات؟؟

أول أمس جيت زي ذا الوقت التجمع حقنا حق بنات نوفمبر وأنا مجهزه كاسة الخروع لأن توي كنت راده من عند الدكتورة وقالت لي اني كملت اربعين اسبوع بعد ما شافت المشيمه في السونار في بقع بيضا وقالت انه ترسبات كالسيوم يعني المشيمه كلست وهذا علامة انه اكتمل نمو المشيمه وفحصتني طلع ولا حتى ربع سانتي مفتوح

المهم مررررررره اتضايقت لأني أحس الطلق يروح ويجي من الثامن وهذا الحمل الرابع قلت شكلي بولد بأول التاسع لأن كان عندي مشكلة المشيمه النازله بالشهور الأولى بس الحمدلله رجعت مكانها على السادس

وكنت متردده أشرب الخروع أو لا :09:
بس آخر شي شربت تقريباً ثلث القاروره الساعه 2 بالليل...وبس شفطتها الا احس :09: غثييياااااااااااااااان مو طبيعي وبعد ساعتين بطني سار يقرقر ويطلع اصوات وسرت رايحه جايه الحمام الله يكرمكم لين الظهر وغير الطلق اللي اشتغل معي طول اليوم كل 10 دقايق ومره فرحت بس جا المغرب خلاص انا قدي دااااايخه ومنتهيه ونمت ساعتين وصحيت خفففف الطلق سار غير منتظم وبرد مره وبعد العشا خرجت أمشي بعفاشه وسرعه قلت يالله يمكن يرجع الا انا رجعت البيت دايخه وحوضي متفككككك!!
ورجع الطلق وقلت اروح اشوف الدكتوره اللي جنب البيت تفحص اذا انفتح الرحم رحت المستشفى لأنها بعيده عننا ما ودي اضرب مشوار على الفاضي!! وفحصت طلع!!
كأنك يا ابو زيد ما غزيت والله كان ودي ابكي!!:icon33: كل الألم والطلق حتى وهي تفحصني جاني طلق بس فحصتني مرتين عشان تتأكد طلع ولا حتى ثمن سانتي مفتوح!!:icon33::icon33:

ما يستفاد: لا للخروع قبل ما ينفتح الرحم.. <== والله أمي قالت لي بس هذا جزات اللي ما يسمع كلام امه :angry2:

طلب: ادعولي يا بنات ربي يسهل لي الولاده :26: لأني بصراحه جالسه اجرب كل الخرابيط اللي يقولو تولد ولا سار لي شي!! وتراني عديت 40 اسبوع وكل يوم احس ضيق شديييييييييييييييييييييد من الألم اللي احسه وطلع بدون نتيجه... بنات مررره خايفه اولد قيصري لأن في بنتي الأولى قيصري وجاني بعدها اكتئاب شديييد.. ادعولي ربي يسهلي وأولد طبيعي ويسلم الجنين من حقل التجارب اللي حطيته فيه!