كتبت الموضوع وكلش وانمسسح عمى يعمي النت ان شاءالله :44:
المهم بقول سالفتي سريع مره حامت كبدي من النت وعمايله قطيعه تقطعه :09:
هذا سلمكم الله ايام الامتحانات الفاينل الي راحت كان عندنا ماده اتعب وانا اقولكم صعبه صعبه موووت
المهم الكتاب حول 400 صفحه والدكتوره الله يصلحها مخليتنا نحووس الكتاب ابد ماله داعي واكلناها وقت الامتحان
المهمم في يوم امتحاني صحيت المغرب مره تعبانه وش السالفه السالفه ان ست الحسن شرفت وقسم بالله ما اقدر اوصف لكم تعبي ذاك اليوم :icon33:
عمى استقعدت لي يوم علي اختبار :@
المهم الم الم الم فضضضيع امي تحاول فيني اخذ ابره وانا ما ابي شافتني مصوفره ياقلبي عليها
المهم قمت اخذتلي مسكنات واخذت شاور عشان اصحصح ثم نزلت تحت بالمحلق بعيد عن اهلي عشان اعرف اذاكر
وانا والله مانيب يم المذاكره مرره دايخه خمووول يابنات تعب شي مو طبيعي الم الم شق بطني وضهري مع انها بالعاده ما اتالم كذا المهم اقرا الاوراق وعجزت اركز دخلت علي امي حبيبه قلبي الله يوفقها يارب ويسعدها ويرزقها الجنه هي وابوي ويسخر قلب ابوي لها ويطول بعمرها ويعطيها الصحه والعافيه يارب << بنات تكفون ادعولها
المهم شافتني تحسبني كنت اذاكر انفجعت بشكلي مصوفره ولا ارد جسمي بارد ما اتكلم بس تاكدت اني صاحيه خخخخ
راحت ياقلبي عليها الله يوفقها يارب سوت لي كافي عشان اصحصح هذا قريب الساعه 2 ونص كذا الممهم هينا حسيت العد التنازلي بدا وصفاره الانذار بتشتغل مت روعه شربت الكفي وكاني صحصحت شوي مسكت الاوراق الملزمه الي بتشوفونها بالصور وقعدت اقرا طبعا الملزمه وما ادراك ما المزلمه موت موت موت مادتنا كلها برمجياات وحوسه
كلها اشياء تتشبه قسم بالله عجزت احفظ لو بقراها بتركيز يبغالي شهر لو بحفظها عن قلب << الله لايقولها يبغالي شهرين
طبعا بنات نسيت اقولكم شغله ذاك اليوم طول وقتي استغفار استغفرت يمكن 400 مره او حولها كل ما امسك الورق ادوخ ماني قادره اجلس كله منسدحه والله ما ابالغ الا قلت من المغرب الى الساعه 2 اما امي خشت وانفجعت فيني :icon33: طبعا هالكلاام الساعه 2 الصباح وربي من المغرب الى هالوقت انا منسدحه ان قمت اقوم شوي اجلس ثم ارجع انسدح مره ماني قادره اتحمل الالم
قمت صحصحت شوي وقعدت احاول احفظ الاوراق وحاطه في بالي لا اضغط على نفسي الي اقدر عليه اخلصه اهم شي احفظ كويس
والحمدالله على كل حال طبعا رحت وانا مو مخلصه ولا ربع ربع ربع المنهج
طبعا انا ماصحصحت الا قبل صلاه الفجر تقريبا بشوي هينا تقل بديت اصحصح
بس قضيت وقتي استغفاااار
والحين بقولكم معلومات عن الكتاب خخخخخ مسبب رعب:09:
الكتاب سلمكم الله حول 400 صفحه وشوي والملزمه ذي سوها صحباتي لنص المنهج مدري ربعه الي قدرو عليه مير قلت هاتوها بس العوض ولا القطيعه تقريبا 32
شوفو الكتاب الله لايعيده ان شاءالله
لطقه اخرى لامصل كتاب شفته خخخخخ
وذي الملزمه الله لايعيده من يوم
حطيته لكم عشان تعرفون ان ماعلى الله عسير
طبعا وش صار ثاني يوم رحنا للامتحان وصعقنا بالاساله شي ما توقعناه الله يسعدها يارب
اساله تافهه شويه عليها على فكره ترا بالمييد كل الدفعه جايبه 2 من 20 وقسم بالله ما ابغال من صعوبه الماده يعني اكثر اكثر شي جايبه 10 او 11 هذي ممتازه ادفر بنت بالجامعه اما اغلب الدفعه 2 3 4 وهكذا
اجي للامتحان اساله موضوعيه تافهه مررره والاحلا انها كلها .................
صصصصصلي
بنات قسسم بالله ما اكذب وربي هذا الي صار تخيلي داخله الامتحان وعندك قناعه تامه بفشلك خخخخخ
اقصد رسوبك منعا للتجريح رحاءا المهم وتطلعين انساانه ثااانيييييييييييييييه يوووووووووووه احسااس غيييررر
الكل كان ضامن النجااح هع
والحمدالله يارب عدت حبيت اقولكم هالتجربه عشان لاتستهينون بالاستغفار انا شخصيا جربه وهذي تجربتي خير برهان لكم
على فكره كنت بنزل الموضوع من مبطي مير تعرفون السودان في قلوبنا هع
وبسسس الي يعجبها الموضوع دعوه لوالدتي ووالدي الله يوفقهم ويعطيهم الصحه والعافيه ويطول باعمارهم ويرزقهم الجنان وكل المسلمين يااارب
ماعلى الله عسسير تذكرو يابنااات وبس لا اله الا الله :26:
بالنسبه للإستغفار صادقه وربي انا من بديت أستغفر وانا احس براحه عجيبه غريبه
وأحس ربي معاي وماراح يخيبني
دعواتكم تكفون يحقق لي ربي حاجاتي الثلاث هالشهر تكفووون : (