فرناز @frnaz
عضوة شرف في عالم حواء
تجربتي اتمنى تستفيدون منها ..
sd
موضوعي عباره عن الفائده اللي لمستها من متابعتي للدورات ,,
ومشاركتي بالحملات والفعاليات والمسابقات ، اللي يقدمها لنا منتدانا الغالي ..
نصيحه ياغاليات لاتحرمي نفسك من المشاركة ,, ثقي انك بتستفيدين ,,
بكون صريحه معاكم ,, بالبدايه كنت مستصعبه اني اشارك واصلا ماافكر ,,
واشعر انه تقييد وملل ,, غير كذا كنت اقول بما انها حملات وفعاليات ومنافسه شكلي لازم اكون
اجيد الكتابه باللغه العربيه :42: <<<<<< اتهرب من المشاركه وادور الاعذار
وكنت اذا شفت االمواضيع وحماس العضوات ,, يجيني حماس انا بعد ,, بس ماش ابطل واقول صعب ارتبط !!!!!
Hyty
ومره من المرات قلت بروح ازور قسم الدورات ..
بشوف وش عندهم ,, وانا مانويت اشترك ,, والله ومير تعجبني دوره وابدأ اتابعها ,,
بس قلت ماراح اسجل عشان ماارتبط <<<< ياذا الارتباط اللي معقدها
وبصراحه استفدت الله يجزاهم خير ,, وفرصه بصراحه دورات مفيده ومجانيه ,,
وفي يوم جتني رساله من مدربة احدى الدورات , اخت وعزيزه علي ,, وشفت رابط دورتها واشتركت ,,
واستفدت وكانت ايام رائعه لن انساها الله يوفقها ويسعدها ,,
وأول في بالي ان الدوره واجبات وارتباط ,, احسبها مثل الدورات اللي برى المنتدى خخخخ
والدورات اللي شاركت فيها /
دوره عن تطوير الذات ,, ودورتين اسريه ,, ودوره عن المراهقه ..
والحمد الله استفدت منهم ,,
ونصيحه اذا تبين اللي حولك يتغيرون ,, اول شي تغيري انت ,, اعرفي عيوبك واخطاءك ,,
وصدقيني اذا غيرتي نفسك ,, بيتغيروا اللي حولك ,,
(إن الله لا يغير ما بقوم حتى يغيروا ما بأنفسهم)
يعني لا تتعبي نفسك وتحاولي تعدلي من تعامل زوجك او امك او بنتك وووو ,, لانهم ماراح يتغيرون
الا اذا وقفتي وقفه صادقه مع اخطاءك ,, وغيرتي من نفسك ,,
والدورات خير معين لنا ، لان اللي يقدمونها عندهم خبره ومن وتجربة ،
والمثل يقول" اسأل مجرب ولا تسأل طبيب "
Twr_wGyr
وفيه نقطه حابه الفت نظركم لها ,, مو شرط اسجل بدوره تخصني وتهمني ,,
ممكن اسجل بدوره واستفيد حتى لو الامر مايعنيني ,,
عارفين ليش ؟؟؟
لان هذا الامر يخلي عندك خبره وبالتالي تعرفين تحلين مشاكلك ,, ومشاكل غيرك ,,
تساعدين اختك او صديقتك او عضوه محتاجه مساعده , كثير بنات ينزلون مشاكلهم ..
فـ سجلي مره بدوره نفسيه ومره اسريه ووو عشان تستفيدين وتفيدين غيرك ..
ماشاء الله في بنات ماتزوجوا ومسجلين بدورات تخص الحياة الزوجيه ,,
كذا الوحده يصير عندها خبره وتتجاوز صعوبات ومشاكل كثير بعد الزواج ..
تتزوج وهي فاهمه الحياة صح .
khwfk
وبالنسبه للمسابقات والفعاليات والحملات/
اذكر اول حمله اشتركت فيها حملة امي احتويني ,,, بس بذلت جهد وحسيت اني في هذي الفتره مشغوله ولااحد يكلمني ,,
لانها اول تجربه فكان الموضوع الواحد ياخذ مني جهد عشان ادور الصور واضيف له الاحاديث والايات ,,
طبعا كانت تجربه رائعه ,, وقضيت وقت ممتع ,, انتهت المده وانا ماحسيت كانت على مااعتقد شهر ,,
ومن بعدها اشتركت بفعاليات ثانيه ومسابقات ,,
ومره اشتركت بفعاليه وكان مطلوب اننا نسجل برنامج من التلفزيون بعدين نحمله على اليوتيوب,,
يعني ماناخذ شي جاهز ,,
يالله ماانسى كيف كنت يائسه ,, واقول مستحيل ,, انا مااعرف لهذي الاشياء ,,
بس لا لليأس شريت الجهاز وحاولت واستفدت من بعض البنات اللي عندهم خبره بهذا الشي ,,
والحمد الله تيسرت ,, وفرحت يوم شفت تنزيلي باليوتيوب ,, يعني كل اللي يشوفون المقطع ويستفيدون
بيكون لي اجرباذن الله ..
D
واللي استفدته مع الاستمرار :
* اول عشان موضوع واحد اطول ,, الان بفضل من الله أعد الموضوع وانسقه بشكل سريع ,,
* تحسن مستوى الكتابه عندي ,, وصرت ملمه بمعلومات <<<< ها عاد لا تقولون مداح نفسه كذاب
* كنت قبل بسرعه اطفش من المنتدى واحب اغير وادور مواقع ,, بس من بديت اهتم بأي شي ينزله المنتدى
سواء مسابقات او غيرها صار بيني وبين عالم حواء حب :heart: وارتباط شديد وبالتالي ماصرت أطفش ولا ادور غيره ..
* والاهم صرت زي مااستفيد منكم ومن المنتدى بديت افيد الغير ,
ولعلمكم مشاركاتي الى قريب كانت 300 او 400 بالكثير !! وبعد اول حمله اشتركت فيها انطلقت ,
وبطلت العاده اللي اعتبرها سيئه اللي هي ( التصفح والمتابعة بصمت ..)
fshl
نصيحه اخيره لاتفوتي على نفسك الفرصه ..
واستغلي وقتك بالفائده ,, وطوري من نفسك ..
وصدقيني بتفرحين بالنتيجه وبتلمسين اثرها ..
اسأل الله ان يجزى ادارة المنتدى وكل من سعى لتطويره خير الجزاء ..
55
3K
يلزم عليك تسجيل الدخول أولًا لكتابة تعليق.
Manl00888
•
يسلمووو على المووضووع المفيد جزاك الله خير
الصفحة الأخيرة