السلام عليكم ورحمة الله وبركاته
حبيت أنقل تجربتي بلا مبالغه ولا رسميه أحب أخبركم أن حياتي الزوجيه كانت في شد ومد مستمر
ولا أخفي عليكم أن نفسيتي كانت تعبانه جدا خاصة يوم كشفت زوجي حبيبي يكلم من وراي وكنت إذا سافرت عند أهلي
مايعبرني أنا إلي أتصل وهو ولا يسأل كنت أدق ويطنش ولا يهمه كنت إذا نقصتني الفلوس حاجه لعيالي مثل
البامبز أو الحليب أبكي ما أعرف وشلون أطلب منه وإذا طلبت لازم تصير مشاكل وأبكي وحالتي حاله
طبعا هالكلام إذا كنت عند أهلي ... وأهلي في منطقه وسكنا في منطقه ثانيه ..
قبل تقريباً ست شهو جاني تعب والظاهر والله أعلم أنها نفس كنت عصبيه بزياده ..
وما أرتاح إلا إذا تهاوشت معه وطلبت الطلاق ..وطبعا كنت أندم بعدها لكن مدري ليه أسوي كذا ..
المهم هو ماشاء الله عليه حليم صبر علي وكن إذا جتني حاله الخوف والبكاء المستمر ...
يقرأ علي ويقعد معي لين أرتاح ماقصر ..
جاء يوم من الأيام حصلت مشكله بسيطه وأنا كبرتها وقلتله لازم ننفصل أنا ما أصلح لك وأنت ما تصلح لي
قام قالي خلاص وأتخذها بجديه .. بس قالي فكري زين .. وعلميني
فكرت وقلت خل أصلي الأستخاره
وصليت ..
ووالله من عقبها وأنا مرتاحه وقررت أقرأ بموية زمزم آية الحسد والعين وصرت أحط في كل دبة مويه
ربع كأس موية زمزم مقري فيها .. واصلت على هذا الحال تقريبا ثلاث شهور
وفي يوم من الأيام أتصلت علي أختي وقالتي رؤيا وأستبشرت فيهاخير وأتصلت على شيخ يفسر وقالي
أنتي تعبانه قلتله أي قالي أنتي بس داومي على رقية نفسك وبيصير خير ..
ولله الحمد والمنه أنا الآن أتحسن بشكل كبير
وصرت أحافظ قد المستطاع على السنن والصدقه أسأل الله القبول
ولا
موبس أنا حتى زوجي كنت أعاني من أقتصاده الزايد علي بس أنا وعيالي مع أنه في خير ونعمه عظيمه
من المال والمنصب ..
الحين تحسن من ناحية العطاء
وأول ماكان يعطيني وجه لما أكون بعيده وأدق عليه
الحين هو إلي يدق علي ويسأل ..عني وعن عيالي .
أول ما كان يقعد في البيت كثير الحين صرنا نشوفه أكثر صار فيه مجال يحن علينا ..
خلاصة تجربتي يامسلمات ..
شوفو أنا ماقلت إلي قلته كلام وبس بل أطمع أنكم تصلحون حالكم ..
قال تعالى ( ان الذين آمنوا وعملوا الصالحات سيجعل لهم الرحمن ودا )
الله أكبر
يعني حبا
كيف ماتقومين لصلاة الفجر وتبين الخلق يحبونك وأولهم زوجك
كيف ماتلينين الكلام وتبين زوجك يحبك ؟
أنا ضد عبودية المرأه لزوجها كل شيء يقوله تطبقه وهي مغمضه
حطي في عينك رضا الله فوق كل مخلوق وشوفي كيف تتبدل حياتك
جنة بدنياك وجنة بعد مماتك بإذن الله
أثيله* @athylh
عضوة
يلزم عليك تسجيل الدخول أولًا لكتابة تعليق.
عبق النيلوفر
•
ماشاء الله .. الله يديم السعادة عليك :)
ماشاء الله .. الله يديم السعادة عليك :)ماشاء الله .. الله يديم السعادة عليك :)
وربي صااااااادقه وانتي اردي الاصلاح فوفق الله بينك وبين زوجك الله يديم عليكم الموده والرحمه وجميع بيوت المسلمين:26:
الصفحة الأخيرة