تجربتي في الولادة مع الدكتورة روبينا انصاري

السلام عليكن و رحمة الله و بركاته 
ولدت و.الحمدلله.اخيرا في اخر جمعة من رمضان ولله الحمد .وجبت ولد بصحة وعافية و لله الحمد 
قبل لا اولد نزلت موضوع أستفسر فيه عن الدكتورة روبينا و ماكان في احد يجاوبني 
فحبيت أطرح.تجربتي ممكن يستفيد منها أي احد و.لو حاجة بسيطة.
طبعا تجربتي معاها غير كاملة لأني ولدت على دخلتها عندي ..بس احكيلكم.القصة من البداية :
اول ما دخلت المستشفى جلست في غرفة الطواريء فترة اعاني من الطلق ..وطبعا مايبلغو الدكتورة.في هذا الوقت 
وكان الرحم مفتوح.6 سم ..بعدين نقلوني لغرفة الولادة وكان كيس الماي بعده مافك ..طبعا الاخصائية جات و.حطت قي بالها اني بعدني مطولة حتفك الموية ومن ثم بتتصل عليها 
فكت الموية من هنا و انا خلاص جاني الطلق اللي يذبح و ما عدني قادرة احس بالدفع غصب عني .يعني ما مداهم ينادونها ..حاولو يقفلو رجلي عشان ما اولد لكني رفضت تعرفون الواحد يبغى الخلاص وقتها 
والاخصائية ما قصرت معاي..وسعت و مع خروج ولدي دخلت علي الدكتورة 
طبعا بعد خروج.الطفل استلمت هي باقي الامور .اللي هو خروج المشيمة وتدليك.الرحم لتنظيفه و من.ثم الخياطة..
بالنسبة للنفسية عادية جدا ماراح اقول اللي مرة حنونة وتطبطب عليك ولا اللي تعصب و تصرخ عليك جدا تعامل عادي مع اني تعبتها شوي في الخياط 
الخياطة الحمدالله كويسة من ناحية انها ماتعبتني بآلتهابات او آلام شديدة بالعكس خياطتها جدا مريحة و رحتلها بعد اسبوعبن للمراجعة قالت كل شي تمام و.الحمدلله .وكتبتلي على مانع.واني استمر على البيتادين و الميبو الى ان تذوب الخيوط.
من.ناحية جودة الخياطة ماراح يبان معاي الى ان اخلص الاربعين 
هذي كانت تجربتي وحابة اقولكم.انا ولدت من قبل عند د.نوال وهي ممتازة ماعليها كلام لكن اللي خلاني اروح لروبينا الضغط و الزحمة عند نوال ..وايماني ان الولادة تساهيل من رب العالمين وما ابغى قلبي يتعلق باحد 
و.عقبال باقي الحوامل يقوموا بالسلامة